ده اول اشتراك بينى وبين جميله (ايدى فى ايدك )يارب تقبلو التكلمة اللى كملتها ومكنش بوظتها

#1 2008-05-02, 02:12 AM

اللى عاش يحلم ببكره .. واللى كان فى عيونه فكره
واللى مات على وهم ذكرى
واللى شايف .. طفل خايف
والشفايف .. مش قادره تنطق بكلمه
واللى ابنه اتولد على ايديه ..
يشوفه يموت قدامه .. قدام عينيه
احنا ماضينا منا اتسرق وفاضل لنا ايه ؟ ..
كله بيروح مننا وهنبكى على ايه ؟ ..
لازم تبقى قلوبنا قلب واحد ..
ودايما على طول لبعض نساعد ..
ولا شئ ما بينا يباعد ..
طول ما احنا ايد واحده ..
ايدى فى ايدك .. نرجع تانى
اموت عشانك .. وتموت عشانى

لما نور الفجر لاح ..
قبل ما يطلع صباح ..
جانا شر وفينا طاح ..
وحرمنا والله م الفرصه ..

لما صوت الحق طاش ..
ولما صوت الظلم عاش ..
قبل ما نبقى ببلاش ..
وقبل ميرعى فى جسمنا الحشيش والخشخاش
تعالو مع بعض نقول ميلزمناش
احنا شباب ومش هنستنى لما نلاءى نفسنا فى الانعاش
منقدرش نروح يمين وشمال
وهيبقو اشترونا ببلاش
لو ايدك فى ايدي
مسلم جنب مسيحى
منبقاش عاملين زى الخفاش
تبقى الحقيقه ادام عنينا وعمين
بالزمة ده يرضى مين ؟؟
بلاش يقولو علينا مساكين
عرفوهم اننا بالحلم قريب جايين
وان كان شافو فينا يوم ...بكرة هنشوف فيهم سنين
بس نغير اللى فينا والباقى على رب العالمين
كفايانا بقى هروين
كفايانا بقى ..خلينا مرة جامدين
خلينا مرة ايد فى ايد
خلينا مع بعض وهندوس على اى عدو لينا عنيد
وان كانو نفسهم يدوسو علينا نعرفهم ان حلمهم ده اوى اوى بعيد
خلينا مع ربنا وهو هينصرنا فى كل المواعيد
ساعد اخوك وايدك فى ايده لو حتى كان مريض
متقلش انا مالى مدام الخطر عنى بعيد
الدنيا صغيرة بس خلى قلبك كبير هتفضل طول حياتك سعيد
ومنقبلش منهم اى تحريض
تعالوا نكمل الرحله
تعالو نشوف مع بعض الفرحه
يلا ساعد اخوك يمكن يداوى جرحه
كفايانا بعد .....كفايانا حرءة
قلبى وقلبك ايد فى ايد
لو كان الحلم بعيد
مع بعض هيجى ونعيشه اجمل عيد
هات ايدك فى ايدى
وتعالو نكمل الرحله (8)

#2 2008-05-02, 02:17 AM

الحقيقه ... انا طاير من الفرحه انى اشتركت مع جميله فى موضوع

ويارب مكنش بوظت الموضوع بتاعها بس انا حاولت احس اللى جميله حساه واشترك معاها فى احساسها وحاولت كمان اكتب بنفس طريقتها بس بس ده بجد اوى مرة اكتب حاجه بالطريقه ده ويارب تلتمسولى العزر يا جماعه لو معجبكوش الكلام اللى انا كتبته

وعلى فكرة انا الكلام اللى كتبته هو اللى موجود تحته خط واللى لونة ازرق .... وطبعا انتو هتحسو الفرق من غير موضح وهتعرفو ايه الكلام اللى انا كتبه وايه الروعه اللى جميله كتباه ,...... لأن فرق السما من الارض بين روعة وجمال كلام جميله وبين كلامى

بس بجد يارب يعجبكم .......... ويارب ياجميله متزعليش منى

وياريت بعد اذنكم تقولو رايكم بصراحه ومحدش يجامل لو سمحتكم لأنى بحس بالكلام الحقيقى وبين الكلام المجامله

وشكراااااااااااااااااااااااااااااا

#3 2008-05-05, 09:34 PM

بصراحه انا خلاص اتخنقت

اخر مشاركة موجوده باسمى

وانا اخر مرة مشترك فيها كان من اربع ايام

وكان بالموضوع ده ايدى فى ايدك

ومع ذلك ولا مخلوق دخل ورد على اى موضوع هنا

ولا حتى عبر الموضوع ده وقال رأيه

وحتى جميله

والفتاة الخياليه

وهمس الجروح

كل حد فيهم من اسبوع مظهرش

ياريت تشوفو حل

ده لو فيه حد بيقرا الكلام ده يعنى ياريت يشوف حل

لأنى بصراحه خلااااااااااااااااااااااااااااااااااااااااص

وياريت تفهمو كلامى وتعزرونى

احمد بهنسى

#4 2008-05-08, 12:07 AM

انا خلاص دمى انحرقققققققققققققققققققققققققققققققققققققققققققققق ققققق

حل يوم ادخل عشان اشوف حد دخل القسم هنا

ومش لاءى ولا مخلوق هنا

واخر مشاركة احمد بهنسى

وقربت اكره اسمى

نفسى اعرف

ليه محدش بيدخل هنا

وفين المشرفين بقى والمديرين اللى هنا فى القسم

ولا هو الموضوع ماشى ازاى؟؟؟؟

انا بصراحه تعبت وكل مدخل دمى بينحرق عشان مبلاءيش ولا مخلوق رد اصلا

وللاسف مش لاءى تحقيق للوعود اللى اتقالت لى فى اول مشاركة ليا هنا

بالع** انا لاءى ع** الكلام اللى اتقال ليا فى اول مشاركه خاااااااااااااااااااااالص

وبعد كل ده ياريت تعزرونى على الكلام ده

وللاسف انا على الوضع وان كل شوية دمى ينحرق

صعب ان الواحد يدخل القسم هنا

وياريت تعزرونى

وتقوليلى العيب فين

لو العيب فيا انا مستعد والله العظيم مكاتب ولا موضوع هنا

ولو مش العيب فيا

طب هيبقى العيب فى مين

انا عارف ان اصلا مفيش اى مخلوق هيدخل ويقرى الكلام اللى انا كتبته ده

بس اعمل ايه بقى بتعلق بأشايه

وياريت بقى تشوفو حل يا مشرفين ويا مديرين

ولا انا غلطان

سلام عليكم
أحمد بهنسى

#5 2008-05-08, 01:50 PM

احمد بجد انا اسفة اوي اوي اوي علي التاخير
بس انا مشغولة او الاسبوعين دووول
لان الامتحانات قربت
احمد بجد دا اروعع موضوع شفته في القسم كله
وسعيدة ااوووووي بالتكملة اللي كملتها
بجد كلماتك اكثر من رائعة
ومش هقول اكتر من
(( لاتعليييييييييق))
جميلة

#6 2008-05-09, 01:29 AM

اوكى يا جميلة عادى والله

بس شكرا على المجاملة ده اللى للاسف حاسس انك مضطرة تقوليها

بس هعزرك عشان تلاءيكى كنتى مستعجلة ومقريتيهاش كلها او يمكن مقريهاش خالص

بس معلش اهو برضه عشان الامتحانات بس

وربنا معاكى يااااااااااااااااااااااااارب

وشكرا جدا لمرورك الغالى عليا

احمد بهنسى

#7 2008-05-10, 10:40 PM

أخي الفاضل : أحمد بهنسي
والله انا كمان آسفة جداااااااا لأني غرقانة في شبر مية في الامتحانات دي ، امتحاناتي ناقصلها اسبوع والحكاية ضاربة معايا خالص بجد آسفة معلش أنا قرأتها قبل كدة بس ماكتبتش رد علشان كنت زهقانة شوية فمعلش بجد أنا آسفة ..
إن شاء الله هرجع تاني وأقرأها كدة بمزاج وأقولك رأيي فيها بصراحة علشان أقدر احس بكلماتها كويس لأني قرأتها قبل كدة وكنت مشغولة معلش بس أما بكون زهقانة شوية بحس إني قلبي وقف ومش قادرة أحس بأي حاجة.
فبجد آسفة وياريت لو متزعلش على تأخري ومش تتخنق قوي كدة صبرك بالله وادعيلنا بس الامتحانات تخلص على خير وأنزل مصر وإن شاء الله هتلاقيني برد على طول ..
هرجع تاني إن شاء الله وأرد وبجد أتمنى انك مش تتخنق قوي كدة ومش تزعل من أي حد هنا لأن أكيد تأخرنا في الرد معناه إننا مشغولين ويمكن مش بندخل المنتدى أساسا ولا النت ماشي ...
مع تمنياتي لك بالتوفيق إن شاء الله

#8 2008-05-11, 12:07 AM

ياخيالية كتر الف الف خيرك ومنحرمش منك يارب

وربنا يستر علينا كلنا بقى فى الامتحاانات الجايه ده

وينجحنا ياااااااااااااااااااااااارب

وينجح واحد بالتقدير اللى هو عاوزة او بالمجموع اللى هو عاوزة يارب

وشكرا اوى على مرورك

وربنا يرجعك بالسلامه ان شاء الله

هو انتى فى ثانوية عامه؟؟؟؟

لو انتى فى ثانوية عامه يبقى ربنا يسترها معاكى يارب ولو حتى غير كده ربنا يسترها معاكى ومعانا ديما ان شاء الله

ولو فضلك اسبوع يبقى تلحقى تلمى نفسك فى المواد وعادى يعنى متوتريش نفسك

واسألى جميله بأيت دكتورة ازاى

ولا اقلك بلاش تسأليها عشان اكيد كانت بتذاكر ال25 ساعه فى 24 ساعه

وزكرى العربى بس الاسبوع ده فى البلاغه والنصوص واما النحو بقى فلو انتى ملكيش فيه يبقى متحوليش فيه ووفرى مجهودك فى فى الادب او فى حاجه تانيه والتعبير طبعاً اكيد انتى حطاه فى جيبك اليمين

ومابين كل ماده والتانيه بقى تقدرى تخلصى اى ماده

حتى لو كانت كبيرة

لأن اكبر ماده مبتخدش اكتر من تلت ايام

متوتريش نفسك واسأل مجرب ولا تسألش طبيب (جميله ) يعنى ...

وشكرااااااااااااااااا

واسف للاطاله

والسلام عليكم ورحمة الله وبركاته

أحمد بهنسى

#9 2008-05-12, 09:17 PM

ههههههههههههههههه احمد بتالس عليا عشان انا في صيدلة
ماشي مقبولة منك
بس انا هبقي دكتورة صيدلنية مش دكتورة يعني
وبعدين رايي اللي قولتهولك في الاغنية من قلبي بجد ومش مجاملة
وانت حلتها بكلماتك الجميلة
وادعيلي بقي عشان اجيب تقدي كويس في الامتحان
واعزرني علي اي تاخير

جميلة

روابط دعائية