لحظات الحقيقة[ The Moment Of Truth ] - الصفحة 2

زهرة مصر الرقيق · 2008-07-26, 10:55 PM

وتستمر لحظاتنا فى لحظات الحقيقه

.. الغاليه ملك روحى ..

حقاً استمتعت كثيرا بتواجدك هنا

لذا اشتاق كثيراً ان تظلين معنا

ونبدأ جوله اخرى من لحظات الحقيقه معكٍ

على امل الا تتمنين لو انتهت هذه اللحظات !!

غاليتى .. هنا نبدأ جولتنا الثانيه ..

لنرى معكٍ ملك روحى

زهرة مصر الرقيق · 2008-07-26, 11:15 PM

ولازالت لحظاتنا مع ملك روحى

-----------------

(1) احياناً نخجل من انفسنا .. فى اى الاوقات كان هذا معكٍ؟

(2) اكثر صفه تكرهينها فى نفسك ؟

(3) تجربه : " قصه حب عايشتها ملك روحى اندمجت بها بكل مشاعرها

عايشت كل همسه حب بها .. وتألمت مراراً بكل الم اعتصر قلبها

لكن حنينها لهذا الحب يجعلها دائما ترتمى بين احضانه

وتعود ويعود اليها حبها .. حب يكاد يصل الى حد الجنون

وحينما يأتى دور الحياه .. يكون الفراق اول

من يدق الابواب .. !! وتحتل اقصى مشاعر الاسى

قلبها وقلبه .. فراق كان نهايه حب يكاد

يكون عرش العشق .. وفراق ليس بأيديهم

هو حُتم عليه الزواج من اخرى

وهي اختارتها الحياه لتكون ماضٍ ليس اكثر

من ستكون ملك روحى حينها ؟

اى قرار سيحكم عقلها ؟!

.. اى المشاعر كانت فى قلب ملك حينما قرأتى هذه التجربه ؟

(4) حياه ملك روحى .. ماذا تسمينها ؟

(5) هل اصابكٍ مرض الغيره من احدى صديقاتك

ولما ؟ واى المواقف كانت هذه الغيره تستوطنها ؟

(6) هل اقترفتٍ خطأ فى حق احد وتودين لو اعتذرتى

لكن كرامتك تمنعك .. ؟ اى خطأ كان ؟؟

(7) اكثر ما يُزعجك فى بيتك ؟

(8) بينما تعصف بنا رياح الزمان وبينما نغمض اعيننا حتى

لا تُصيبنا هذه الرياح بأذى .. فنود لو اننا اغمضنا اعيننا طويلاً

حتى تزول هذه الرياح ..!!

اى لحظه مرت بملك روحى تمنت لو كانت اعينها

مُغمضه اياماً وشهوراً ومعها تفكيرها ؟

.. ملك روحى ..

اعتذر ان لمست اسئلتى اشياء تعتبرينها مؤلمه

ومُحزنه اليكٍ لكن دعينى اقول لكٍ

ان الحياه بحلوها ومُرها هيا تجربه

قد نستفيد من الالامها وقد يكون مصيرنا

هو اننا نصبح اسرى للاحزان

اتمنى لكٍ التوفيق فى حياتك وان تكونى دوماً بكل خير

غاليتى .. استوقفنى كثيراً قبل كتابه الاسئله

ان اسم ملك روحى يراه الجميع

لذا راعيت كثيرا فى اختيار الاسئله

وعذراً ان رأيتٍ غير ذلك

.. استمتعت معكٍ حقاً وشرف للحظات الحقيقه

ان يستضيفك هنا معنا ..

غاليتى تقبلى خالص تحياتى

ملك روحى · 2008-07-28, 01:49 AM

اقتباس:

(1) احياناً نخجل من انفسنا .. فى اى الاوقات كان هذا معكٍ؟

بخجل من نفسى لما بعمل حاجه بدون علم بابا او ماما يمكن متكونش الحاجه دى غلط خالص

لكن كونى مقولتلهمش عليها ده ف حد ذاته بالنسبالى غلطه وببقى م**وفه بجد من نفسى

اقتباس:

(2) اكثر صفه تكرهينها فى نفسك ؟

مممممم معنديش طولت بال او صبر كفايه

اقتباس:

(3) تجربه : " قصه حب عايشتها ملك روحى اندمجت بها بكل مشاعرها

عايشت كل همسه حب بها .. وتألمت مراراً بكل الم اعتصر قلبها

لكن حنينها لهذا الحب يجعلها دائما ترتمى بين احضانه

وتعود ويعود اليها حبها .. حب يكاد يصل الى حد الجنون

وحينما يأتى دور الحياه .. يكون الفراق اول

من يدق الابواب .. !! وتحتل اقصى مشاعر الاسى

قلبها وقلبه .. فراق كان نهايه حب يكاد

يكون عرش العشق .. وفراق ليس بأيديهم

هو حُتم عليه الزواج من اخرى

وهي اختارتها الحياه لتكون ماضٍ ليس اكثر

من ستكون ملك روحى حينها ؟

اكيد هبقى مدمره جدا وخصوصا ان انا عارفه نفسى مش قويه كفايه

ويمكن فى لحظات اتمنى الموت " استغفر الله "

لكن

هقرب من ربنا بجد وهرمى حملى وتكالى كله عليه وهو كفيلى وحسبى

وانا هبقى متأكده ان ربنا هيعوضنى خير

ودايما هقول بينى وبين نفسى عسى ان تكرهوا شيئا وهو خير لكم

اقتباس:

اى قرار سيحكم عقلها ؟!

اول ما افوق من الصدمه هقرر انى ابدأ حياتى من جديد واطوى كل صفحاتى القديمه

اكيد مش هعرف انسى بسهوله لكن هحاول بكل جهدى

وقربى من ربنا اكيد هيساعدنى كتيررر

وهدعيله واتمناله حياه سعيده وادعى لنفسى ان ربنا يعوضنى خير

اقتباس:

.. اى المشاعر كانت فى قلب ملك حينما قرأتى هذه التجربه ؟

يااااااااااااه بجد وانا بقراها حسيت بألم غير عادى وكأنى فعلا اتعرضت للموقف ده!!

وبدعى من ربنا ان محدش ابدا يتعرض للموقف ده

واللى عاش التجربه دى ربنا يعوضه خير ان شاء الله

اقتباس:

(4) حياه ملك روحى .. ماذا تسمينها ؟

حياتى .. كتاب مفتوح لكن مشفر

اقتباس:

(5) هل اصابكٍ مرض الغيره من احدى صديقاتك

ولما ؟ واى المواقف كانت هذه الغيره تستوطنها ؟

بأمانه شديده عمرها ما حصلت

لانى مؤمنه بحاجه وهى " ان كل الناس = 1 "

يعنى ممكن غيرى يتميز عنى بحاجه لكن انا اكيد بردو متميزه عنه ف حاجه تانيه

يعنى مفيش حد كامل ولا عنده كل حاجه وكلنا فينا مميزات وكلنا فينا عيوب

والثقه ف ربنا والنفس اكيد ليها عامل كبير فى ان الغيره عمرها ما توصل بإنسان لشكل مرضى

اقتباس:

(6) هل اقترفتٍ خطأ فى حق احد وتودين لو اعتذرتى

لكن كرامتك تمنعك .. ؟ اى خطأ كان ؟؟

بصى يا زهوره يمكن انا مش من النوع اللى بيعتذر كتير

ويمكن بيبقى نادرا

لكن ف نفس الوقت مبحبش اسيب حد زعلان منى ومسألش

وعشان احل المعادله الصعبه دى

بحاول بقدر الامكان انى مغلطش ولا اسئ لحد

لكن اكيد بنعمل حاجات بتزعل ناس مننا من غير نا نقصد

وفى الحاله لازم اعتذر او ع الاقل بوضح موقفى او سوء التفاهم اللى حصل

يعنى حقيقى الحمدلله مفيش حد دلوقتى نفسى اوجه له اعتذار

ولو فعلا محتاجه اوجه اعتذار فممكن اعتذر لكل حد اسأت ليه عن غير قصد ومش واخده بالى

اقتباس:

(7) اكثر ما يُزعجك فى بيتك ؟

ممممممم ممكن اقول الصوت العالى بس احيانا

وانا الصوت العالى بيوترنى جدااااااااااا

[QUOTE ] بينما تعصف بنا رياح الزمان وبينما نغمض اعيننا حتى

لا تُصيبنا هذه الرياح بأذى .. فنود لو اننا اغمضنا اعيننا طويلاً

حتى تزول هذه الرياح ..!!

اى لحظه مرت بملك روحى تمنت لو كانت اعينها

مُغمضه اياماً وشهوراً ومعها تفكيرها ؟

[/quote]

السنه اللى فاتت زى اليومين دول بالظبط

كان فيه شوية ظروف عائليه متلخبطه شويه

وكنت نفسيا مدمره

ووقتها قولت فعلا لوحده صحبتى انا نفسى آخد حاجه تنيمنى او تخلينى غايبه عن الوعى لمدة شهر او اكتر ومحدش يصحينى

لغاية ما كل حاجه تبقى تمام

اقتباس:

اعتذر ان لمست اسئلتى اشياء تعتبرينها مؤلمه

ومُحزنه اليكٍ لكن دعينى اقول لكٍ

ان الحياه بحلوها ومُرها هيا تجربه

قد نستفيد من الالامها وقد يكون مصيرنا

هو اننا نصبح اسرى للاحزان

زهوره حبيبتى مفيش داعى ابدا للاعتذار

وبعدين اللى ميدوقش الالم مش هيقدر يعرف ولا يميز ولا يحس بطعم الفرح

واى ابتلاء فده من عند ربنا وده اكبر دليل انه فاكرنا

فالحمدلله على كل حال

اقتباس:

اتمنى لكٍ التوفيق فى حياتك وان تكونى دوماً بكل خير

آآمين يارب

وان شاء الله التوفيق يكون حليفك و ربنا يوفقك ويسعدك ويسعد الجميع

اقتباس:

غاليتى .. استوقفنى كثيراً قبل كتابه الاسئله

ان اسم ملك روحى يراه الجميع

لذا راعيت كثيرا فى اختيار الاسئله

وعذراً ان رأيتٍ غير ذلك

بصى يا زهوره انا مادام وافقت انى ابقى موجوده هنا واخترت ابقى بيوزر ملك روحى

يبقى انا مستعده للاجابه على اى سؤال مهما كان بجد

وكنت على اتم الاستعداد انى اجاوب على اى سؤال حتى لو كان شخصى

اقتباس:

.. استمتعت معكٍ حقاً وشرف للحظات الحقيقه

ان يستضيفك هنا معنا ..

ميرسى يا قمر

والشرف ليه انا وسعيده بكونى اول ضحيه هنا هههههههههه

حقيقى والله استمتعت بالاسئله وبوجودى هنا

اقتباس:

غاليتى تقبلى خالص تحياتى

ثانك يووووو

وتحيتى ليكى وللجميع

وبشكر كل حد سالنى واتمنى تكون اجابتى موصلته بشكل كويس

وياريت مكونش تقلت عليكم

نــــــــــــــ ملك روحى ـــــــــــــــودى

لمسة احساس · 2008-07-28, 08:43 AM

وااااااااااااو يا نودى.جميل جدا.
تسلم ايدك زهرة بجد موضوع جميل جدا.
وفكرتنى بحاجات كتير فى حياتى لو انا مكان نودى.
ومنتظرين سمسم .اختيار موفق جدا ملوكة.
واحييك على صراحتك ملك.
ننتظر............

زهرة مصر الرقيق · 2008-07-28, 09:03 AM

NODY

ملك روحى

نورتينا فى لحظات الحقيقه

وبأذن الله سيتم الاتفاق مع اللحظه الاخرى

قريباً .. وفى انتظار الاعضاء

وتعقيباتهم .. على هذه اللحظه

واراؤهم نحوهـا ..

منتظرهـ تواجدكم ..

لا تخذلونى

The Moment Of Truth

Egycrack

دنيتى حلم ف زمن المستحيل · 2008-07-28, 12:36 PM

كتير الموضوع جميل وكتير اجابات ملك جميله
بجد زهره فكره ممتازه
تسلم الايادى
ومتنتظرين سمسم

ملك روحى · 2008-08-02, 02:19 PM

لمسه

دنيتى

ميرسى لذوقكم والله

تسلمــــــــــــــوا

وميرسى ليكى يا زهوره على استضافتك ليه