كل يوم الموضة بتتغير او الاثاث بيقدم والوانه بتبهت او الاستيل بيتجدد
او مناطق فى البيت مش بنستغلها
او حاجات كتير
فكرتى انا ازاى نجدد من اثاث بتنا
او نحول جزء فى البيت مهمل الى جزء محبب الينا
او قطعة قديمة الى قطعة جديدة ومناسبة لاى مكان عايزين تحطوه فيه .
افتكر الفكرة وضحت كدا
وانا هوضح اكتر بشرح بالصور
اتفضلو نشوفها سوى
ده عباره عن دولاب او بوفيه قديم بيتحط على الارض مكون من جهتين تصميمو بسيط جداا
على السقف او فوق الدولاب في تقب مسدود بصفيحه هنشيلو بالطريقه المبينه في الصوره الثقب ممكن نحط فيه فازه مخروطية الشكل او دائريه و يبقى قطرها اكبر حبتين من قطر الثقب ده
نشيل الدهان الاول باستعمال جل خاص بذلك و عشان كمان الدولاب يتنظف
بعد التنظيف و السنفره نبتدي نحط الطبقه الاولى من الدهان او الطلاء زي الصوره كده
ممكن كمان نعملو رجلين بالحجم ده ونثبتهم هيبقى اكيد احلى
نضيف لون تاني على حسب ذوقنا بس يكون في الجوانب بس
هنا رسمنا على السطح سمكه و بنلصق احجار على الرسمه بتاعتنا
يعني اضافة لمسه جديده
ودي بقى كانت النتيجه النهائيه افتكر انها تستاهل التعب ده كلو ولو اني كنت افضل اللون الأزرق او الوردي بدل البرتقالي الأذواق بتختلف بقى
انا لقيت حمام تاني بس بتاع اليوم حلو و مفهوش مشاكل ولا حاجه
انما صاحبة البيت مبقتش طايقاه و عاوزه تغير شكلو بس كمان عاوزه تحتفظ بالاحواض و السيراميك
شوفتو المشكله هنا بقى التغيير هيبقى محدود جدااااا
بجد حمامها حلو بس نعمل ايه
هنا هنشوف الحلول المقترحه ايه طبعا دون المساس بالسيراميك و المغاسل
هنا عملنا طلاء للسقف بالأبيض و الجدار بالأخضر حطينا ستاره على الشبابيك مناسبه للدهان الجديد وستاره تحت المغاسل ولون جنبات المرايه و المغاسل عملناه ابيض
نشوف تاني اقتراح بقى
سبنا لون جنبات المغاسل و السقف ابيض غيرنا لون الجدران و خلينا لون جنبات المرايه اسود لامع
وطبعا غيرنا الستاير
وده الشكل الأخير
طلع مودرن اكتر من التانيين
غيرنا طلاء السقف بقى اسود مع زخرفات على الجوانب
اتغير لون جنبات المغاسل كمان اسود
و لون البانيو طلع هايل و متناسق مع لون السراميك
بكره هنشوف تغييرات تانيه ممكن تقومي بيها في البيت بنفسك
أنت غير مسجل في المنتدى. للتسجيل الرجاء اضغط هنـا
قبل وبعد
رد: قبل وبعد
