انا جايبلكم فكرة جميلة
وبصراحة جريئة
عاوزاكم تخدوها بالهداوة
اوك
احنا هنعمل مواجهة بين شباب وبنات المنتدى
ازاى
كل نوع هيسال التانى فى حاجة مش عجباه فى النوع ده
والنوع الى اتسال يجاوب وبصراحة
ههههههههههههههههههههه
اوك
وطبعا علشان احنا البنات ديموقراطين
هنسيب الشباب هما الى يبداوا بالسؤال
واول شاب يدخل الموضوع يحط سؤاله
اوك

اصل انا عاوزة اعرف مين الاجرىء فى المنتدى البنات ولا الشباب
هههههههههههههههه
اوك
انتظر تفاعلكم
عايزة تفاعل من نار

فكره لذيذه والله يا ايمان


يلا بقى حد يبدأ


واحنا طبعا فى كل الاحوال جاهزين


تسلمى يا قمر ع الفكره

يا ابنى طبعا ان البنات بيبقوا واخدين راحتهم قبل الجواز ولما يتجوزوا تبدأ مشاكلكم تظهر او انتم بتبانوا على حقيقتكم
وده طبعا ان البنات بتزهق بسرعه من الرخامه والحاجات اللى دمها تقيل زى التماسيح دول
وهزارهم الملل واللى يضايق
زيكم بالظبط فى الخطوبه تبقوللزاز اوى وبعد كده ارخم منكم ما فيش وابخل منكم مفيش
اسالنى انا

اديك قلتها (لحبيبته )
وهو اللى بايده مش يخليها تتغير
وبايده برده يخليها مقرفه

لا معلش اني أعترض
اعترض علي كلام desberados انهم وقت الخطوبه بيبقوا مقضينها مكياج وفسح ووقت الجواز مسؤليه مفيش********
لالالالالالالالا المسئوليه موجوده ياباشا وهيه كمان بتشيل المسؤليه زيها زي الراجل بالظبط
وبعدين فعلا الراجل هوه اللي باديه يخلي الحياه لذيذه بعد الجواز او لا وموش هقولك ان البنت ملهاش دور في ده لا ليها دور ودور كبير طبعا لكن البدايه بتبقي من عنده باردو
وبعدين انتوا اللي بتتغيروا بعد الجواز موش احنا انا معاكي ياايمان قلبا وقالبا
هههههههههههههههههههههههههههههه
بجد البنت بتستني بس الكلمه الحلوه والتعليقات اللذيذه وكده يعني لانها حاجه كده رقيقه ورومانسيه وطيوبه ولازم هوه اللي يبدء لانها هيه لو بدات وهوه صدها بغلاسه بتنجرح قوي من جواها وللأسف ممكن هوه ميحس بده
ولنا لقاء أخر

بجد الموضوع يتقال فيه كلام كتير قوي زي ماقلت ياسمسم
انا معاك ان الأنثي ليها الدور الاكبر فعلا
لكن هما بيتكلموا في اللي بتغير بعد الجواز
صدقني هوه كمان اللي بتغير بس موش معني كده انه بتقلب لالالالا
الحب موجود وكل حاجه حلوه بينهم موجوده لكن الفكره ان البنت بتبقي عاوزه الرومانسيه والحب اكبر وقت ممكن في حياتها لكن للاسف الراجل بعد الجواز فعلا فعلا بيبقي مشغول في حاجات كتير بالنسبه لشغله لكن ده موش معناه انه ينساها لانه لو نسيها في وسط زحمه الشغل دي هوه كمان هيلاقي الذي لا يبغيه من زوجته فهمتني ياسمسم لكن انا موش بقول ان اللوم كله علي الراجل او الست هما الاتنين ادوارهم اساسيه في ايجاد بيت سعيد بعد الجواز
اما بالنسبه لردي علي desberados
فانا شايفه انه متحامل علي المراه بجد بس فعلا زي ماقلت ان الاختلاف في الرأي لا يفسد للود قضيه
وبعدين أنا اقصد بالمسؤليه بعد الجواز موش قبله لانهم قبل الجواز كل واحد فيهم بيشارك علشان يبنوا بيتهم اللي بنطالب بعد كده انه يبقي سعيد
فعلا البنت بتتحمل قوي بعد الجواز ومن قبل الولاد كمان كفايه انه لما ييجي من الشغل متضايق لازم تتحمله حتي لو عاملها وحش أو رد عليها رد موش كويس
انت فاكر ان ده سهل علي البنت أو الست انها تتصد او تنجرح من اللي بتحب بص انا بالنسبالي ماباستحملش حاجه من دي
أحب لما ادادي وأحايل ألاقي رد فعل كويس من زوجي لانه موش هيصدني وأنا هأحاول تاني وتالت وبعد كده هابعد من سكات وخلاص
دي حاجه من ضمن الحاجات اللي ممكن يتغير فيها الراجل بين الخطوبه والجواز
وبعدين انا موش شايفه ان الست لما تحب تمتلك مشاعر جوزها من ناحيتها دي حاجه وحشه بالعكس انا شايفه انه ده حقها
لكن تقولي لما يجيب سيره واحده يبقي ليله موش فايته
لا ده بيترقف علي مدي حبه ليها وازاي بيوصها ده لو هيه متاكده او بالمعني الاصح محتويها بمشاعره وحبه يبقي يتكلم زي ماهوه عاوز وهيه ازاي تعرف تتعامل مع ده
اوك يعني احنا موش متحاملين ولا حاجه
احنا محتاجين للحب والحنان والمشاعر طول الوقت ودي موش حاجه وحشه