 |
 |
 |
 |
 |
 |
 |
 |
 |
|
|
|||||||
| دنـــ ،، ـــيـــ ،، ـــتـ ،، ـــى |
 |
|
|
أدوات الموضوع | انواع عرض الموضوع |
2008-04-13, 10:07 PM
|
#1 | |||||||
|
الـــمــراقــب الــعــامــ Master-Mind 
|
دمرتنى................!!!!!!!!
بسم الله الرحمن الرحيم الموضوع حصل من 6 سنين و لكن آثاره ممتده حتى الآن فى صباح يوم جميل ، صحا صديقى مبكرا ، و هم بالاستعداد للذهاب للجامعه ،فلديه سكشن مهم و يجب عليه التواجد هناك مبكرا حتى لا يتعرض للتوبيخ من الدكتور ، مسرعا هو فى خطواته ، يدخل الى المعمل آملا الا يكون الدكتور صاحب الصوت العالى و الالفاظ " الحلوة " قد سبقه ، يصتدم احدهم ، فيرفع عينيه ليرى من هذا الشخص و يعتذر له ، و اذا به يراها ، سبحان الخلاق العظيم ، اجمل من وقعت عليه عيناه من بنات حواء ، تحفه ابدعها الرحمن ، فتسمر مكانه و لم يستطع ان ينطق ، و كانه اصابه الشلل ، حتى تكلمت هى : " انت كويس " ، قال : ايوة ، انا آسفه ما كنتش شايفاك ، ابدا انا اللى كنت جاى بسرعه المهم: دخل السكشن جرى ، بعد دقيقتين ، هل القمر على المكان فلقد اكتشف و لاول مرة ان تلك الساحرة زميلته فى الكليه ، لا بل زميلته فى القسم ، بل الادهى من ذلك انها فى نفس السكشن ايضا ، يال الهول اين ذهبت عيناك يا رجل من قبل ، يقول محدثا نفسه ، تمر الايام و هو يتابعها يعينيه من بعيد ، محجبه ، مؤدبه ، جميلة ،قليله الكلام ، يا الله انها فتاة احلامه بالضبط ، حتى فى اجمل احلامه لم يكن ليتخيل هذا القدر من التكامل ، و لكنه يخجل ان يحدثها ، فهو من النوع المتدين ، الخجول ، الذى لم يتكلم مع بنات فى غير امور الدراسه من قبل ، ذلك على الرغم من نشاته فى مدرسه لغات مختلطه ، و بعد مرور اسبوعين ، يفاجا بها تاتى اليه و تجلس بجواره فى المحاضرة ،يقول : يال الهول ، ما هذا هل احلم؟ ، ثم تبدا هى بالكلام ، انت اسمك ايه ؟ انت من المنصورة ؟ : ايوة ...... :طيب نبقى نروح سوا عشان انا بخاف اروح لوحدى و الولاد بيعاكسونى كتير ، و فعلا ده كان بيحصل ، و الابعد بدون تردد قال : اوك و يوم ورا يوم كلمه ورا كلمه ، حوار ورا حوار ، ابتدا كمان يعجب بعقلها و تفكيرها و ، آمن ان هى دى اللى ربنا بعتهاله من وسط الاغلبيه التافهه العقول ، اللى مش وراهم الا الموضوه ، و المغنى الفلانى ، و الممثله العلانيه ، و هى كمان فهمته انها وجدت فارس احلامها ، اللى من زمان بتدور عليه لحد ما فى يوم مش طلعلوش شمس ، و هو مروح البيت مع واحد صاحبه صاحبه قاله : " شوف بقى انا هاقولك حاجه بس مش عاوزك تزعل " قاله : قول و بعد ما صاحبى حلف على ايمنات المسلمين كلها انه مش هيزعل صاحبه قاله : البنت ........ شفتها امبارح واقفه مع فلان و كان منظرهم مش ولا بد : اخرس يا كلب ، انت اللى بخيالك المريض بتفسر الامور غلط : الله يسامحك بس انا صاحبك و مرضاهالكش : انت كداب : طب تعالى معايا بكرة و انا هوريك هما بيتقابلو فين ؟ و ان طلع كلامك غلط رقبتى اهه ، ادبحنى و بات صاحبى ليله زى الهباب ، بيعد الساعات مستنى الصبح يجى قابل صاحبه الصبح عند الكليه ، و قاله : ورينى هما فين؟ و فعلا اخده بالراحه و يال الهول ، قاعدين فى مكان فى ضهر الكليه متدارى شويه شافها اتجنن و جرى عليها : و قالها : " انت بتعملى ايه هنا ؟" : و انت مالك اللى قاعد معاها جه يتكلم قام صحابه قعدوه مكانه انا بقولك بتعملى ايه هنا يوووووووووه انت هتفلقنى ، عايز ايه؟ انت بتكلمينى كده ازاى ؟ زى الناس ، انت صدقت نفسك ولا ايه ى، فوق يا بابا ، هحبك على ايه ، بذمتك انت ما بصتش لنفسك فى المرايه قبل كده ، دا انت تخين ، و لابس نضاره ، و قارفنى طول النهار بالكلام فى السياسه و الادب يا اما الدراسه ، انسان ممل ، اصحى يا بابا وقف صاحبى زى اللى ضربه البرق ، مش عارف يرد ، ولا يتحرك اصحابه سابو الواد التانى ، و البنت خدته و مشيت احس صاحبى انه ى، صغياااااااااااااااار ، قد النمله ، اصحابه روحوه البيت ، قعد 4 ايام ما بيكلمش حد و فجاه فى صباح يوم قرر يروح الجامع عادى ، و ينسى كل حاجه و فى قلب المحاضرة طلبت زميله له الكتاب عشان تبص على حاجه و لما روح بيبص فى الكتاب لقى ورقه من الزميله دى بتقول فيها ان البنت اللى كنت بحبها كانت اصلا ما بتحبكش ، لكنها كانت بتحب الولد اللى شافه معاها ، و لما سابها و البنات غاظوها ، راهنتهم انها هتغيظه و ترجعه ليها ، و هتختار لكده اى واحد نكرة ، من الخرفان اللى فى الدفعه دول " و انهت الرساله بانها اتكسفت تقول الكلام ده قبل كده يعنى كانت الناس عارفه انه مغفل و بتضحك عليه و هو زى الاهبل ولا حاسس بحاجه للاسف الشديد ، صاحبى ده هو انا!!!!! لقد خلف فيا هذا الموقف ، جرحا عميقا ، حيث اصبحت عنيفا فى تصرفاتى ، و كنت قبل ذلك انسانا هادءا لقد اصبحت ناقما على الدنيا ، و جنس النساء اجمعين اصبحت السيده تمثل لى النفاق و الخيانه و الكذب اصبح الحب لدى يمثل مصيده للاغبياء مع مرور الوقت تخلصت من الكثير من تلك الآثار السلبيه لكنى ما زالت اعانى مشكله عدم الثقه فى السيدات يعنى على راى هنيدى " الست الوحيده اللى تآمنلها هى امك و ان ابوك طلقها متآمنلهاش " اما العصبيه فلقد اصبحت دائى فلقد اصبحت الان سريع الاستثارة و العصبيه بينما كنت فيما سبق القب بالفريزر ، لصعوبه جعلى اتعصب لكن ما باليد حيله ؟ مش لاقى حل للموضوع ده ؟ و انا مش عايز عصبيتى تخسرنى ناس كتير بحبهم ؟
__________________
  " اذا الحرب يوما دقت طبولا .... فلا شتم يفيد ولا سبابا " واااااااااااااااااااا معتصماه .... |
|||||||
|
|
|
2008-04-15, 12:09 AM
|
#2 | ||||||
|
مشـرفـة قسـم الحوار والنقاش و تجربتى 
|
رد: دمرتنى................!!!!!!!!
بلو موون
بجد انا مش لاقيه اى كلام اقولهوللك يكفى صدمتى فى اللى قريته بس اللى عايزه الفت نظرك ليه انى انت بكده مش خسران ابدا بالعكس انت كسبان وكسبان اوى مش كل البنات وحشه وخاينه ومش كل الرجاله وفيين الخير والشر جوه كل بى ادم ومش عارفه انت قريت تجربتى ولالاء بس لو ماقرتهاش برجوك تقراها علشان تعرف انى زى ما فيه بنات وحشه فيه بنات كويسه نفسها تحب وتتحب وتتجوز وتعيش ودى اقصى امانيها انا كنت بقول عن نفسى انى جريئه انى اكتب قصتى ف قسم تجربتى بس انت طلعت اجرء وصدقنى مش عيب ابدا اننا نواجه نفسنا بغلطنا وكلنا بننخدع المهم انا نتعلم.. نتعلم بس ما نتعقدشى ما نوقفشى الحياه عند حد معين ولا بسبب حد يعنى اكيد هتصادف تانى واحده تحبك وتحبها وتكون بتحبك بجد علشان كده بنصحك كاخت انك تعدى المرحله دى من حياتك بكل ما فيها وصدقنى لو هى ضميرها سمحلها انها تعمل ده فالايام بتعيد نفسها تانى ومسيرها ده هيتعمل فيها لانه دين هيتردلها ف وقت من الاوقات لانى ربناعادل اوى وما بيرضاش ابدا بالظلم يمكن انا طولت عليك بس لو هقللك انى اتوجعت اوى من قصتك مش هتصدقنى بس هى دى الحقيقه بتمناللك حياه بعيده اوى عن غش ناس لابسه وشوش ملايكه وبتمنى بجد انك تمحى اى الم وربنا يرزقك بالعوض "دنيتى "
__________________
M
 M |
||||||
|
|
|
|
2008-04-15, 12:02 PM
|
#3 | ||||||
|
مشـرفـة قسـم الأسرة السعيدة و ملتقى الشباب 
|
رد: دمرتنى................!!!!!!!!
انا اول ما قريت الكلام حسيت انه انت لانه كلام طالع من جوه اوى
يعنى كلام محسوس وفيه قسوه جامده بس اللى اقدر اقوله انك يمكن كنت منطوى زياده عن الزوم وده اللى عمل فيك كده وخلاك ما تقدرش تميز الناس من بعضها واعتقد بردو انك كنت بتثق فى اى حد بمنتهى السهوله بس ازاى يمكن عشان او محتمل تكون انت اكبر اخواتك واتربيت على كده او عشان انطواءك الزايد وقربك اوى من ربك يعنى انت بردو مش هقول انك غلطان لا ابدا هو غلط من الاهل وزى ما بيقولوا ساعه لقلبك وساعه لربك انت كنت دايما مع ربك وده مش غلط بس بردو عشان تعرف الناس بتفكر ازاى وتحاول تتغير انا يمكن تجربتى فيها شويه من تجربة دنيتى بس زى ما قالت فى الكويس وفيه الوحش وانت لسه العمر طويل ادامك بحكمة ربنا ولسه ما حبتش بجد بس صدقنى لو حبيت ولو لقيت واحده تستاهلك هتحبها وهتحبك وتخلصلك هتقول يااااااااااه دا انا كنت مش بحب قبل كده انا كنت اهبل ايه اللى كنت بعمله ده زيى بالظبط مش هطول عليك والحمد لله دلوقتى بحب وبتحب وربنا وفقنى بواحد بيحبنى جدا ونا كمان بحبه جدا ربنا يوفقك بجد ويعطيك القوه وعيش سنك وحياتك وفكر فى كل حاجه حواليك
__________________
 فتحَت زخّاتْ المَطَرْ تٍسيرْ روُحِيْ .. وُتتهَادَى خَطوُاتِيْ الوَاثقَـة لكمْ أحُب صَوُت المَطرْ .. وَأحبْ زخّات المَطر. |
||||||
|
|
|
|
2008-04-17, 08:56 PM
|
#4 | |||||||
 
|
رد: دمرتنى................!!!!!!!!
blue moon
حقيقي مش عارفة أقولك إيه غير ربنا يعينك يارب على المشكلة دي. وبجد حاسة بيك جدا لأن الجــرح ده أصعب شيء في الوجود وبجد بيقتل ومش بيحس بالجرح غير اللي داقه. بس عايزة أفكرك بحاجة مهمة جدا الإنسان اللي مع ربنا ربنا سبحانه وتعالى مش بيضيعه أبدا خلي عندك ثقة في الله سبحانه وتعالى وأبدا مش تيأس من رحمة ربنا . و فعلا زي مافي الكويس في الوحش يعني زي ماشفت إنسانة مش كويسة فأكيد ربنا هيرزقك بالإنسانة اللي تستاهلك بجد وتكون مخلصة ليك وتحبك بكل صدق وإخلاص. خلي إيمانك بربنا سبحانه وتعالى كبير ومش تيأس من رحمته أبدا والحمد لله إنك اكتشفت الحكاية دي مهما كان برضة بدري شوية يعني لحقت نفسك . ارجع لربنا واستغفره وقوله يارب سامحني واعف عني وارحمني برحمتك واقف جنبي يارب وإحمد ربنا انها جت على أد كدة وشوف في ناس تانية أكيد مشاكلهم في الحكايات دي أكتر. حاول تهدي من نفسك شوية وقول الحمد لله إنك مش خطبتها أو اتعلقت بيها أكتر من كدة وده اختبار من ربنا سبحانه وتعالى ليك فاصبر واحتسب وربنا يعينك يارب إن شاء الله. واعرف كمان إن حقك مش هيضيع لأن اللي عملته فيك أكيد هييجي اليوم اللي هتشوف اللي عملته فيك لأنه ربنا سبحانه وتعالى عادل وكما يقول عز من قائل في الحديث القدسي : ( افعل يا ابن آدم ماشئت كما تدين تدان ) والرسول ( صلى الله عليه وسلم ) قال : " إن الله يمهل ولا يهمل " ربنا يعوضك خير ويرزقك بالزوجة الصالحة اللي تسعدك وتنورلك حياتك وتكون أمينة ومخلصة ليك وتكون بتحبك بجد بس حاول تنسى الماضي بأي شكل من الأشكال علشان متظلمش الإنسانة اللي ربنا هيرضيها ليك زوجة صالحة إن شاء الله لأنك شفت من بنات جنسها شخصية ليست بإنسانة . آسفة إني طولت عليك ويارب أكون قدرت أوصلك قصدي صح . وربنا يحميك ويحفظك من كل سوء وييسرلك طريق الخير يارب إن شاء الله.
__________________
اللهم استرنا فوق الأرض وتحت الأرض ويوم العرض عليك. اللهم ياحي ياقيوم ياحنان يامنان ياذا الجلال والإكرام برحمتك وبسلطانك وبعظمتك نستغيث أصلح لنا شئوننا كلها ولا تكلنا اللهم إلى أنفسنا طرفة عين ولا لأحد من الناس يارب العالمين . اللهم عافنا واعف عنا وارحمنا أنت مولانا اللهم فانصرنا على القوم الكافرين . اللهم أعتق رقابنا من النار واسقنا من حوض نبيك شربة لا نظمأ بعدها أبدا ياالله ياذا الملك والجبروت والحلم والرحمة يارب العالمين.. وصلي اللهم وسلم وبارك على سيدنا محمد وعلى آله وصحبه وسلم..
|
|||||||
|
|
|
|
2008-04-23, 03:43 PM
|
#5 | ||||||
|
مـشـرفـة قـسـم مـواهـب الأعـضـاء 
|
رد: دمرتنى................!!!!!!!!
بلوو مون
بجد يعني في موقف زي دا مفيش كلام يقدر يعبر علي مدي الاستياء اللي حاسة بيه من نحيتك بصراحة ربنا معاك ويعينك علي اللي انت فيه وانشاء الله هيرزقك باللي تقدرك وتحس بيك وبصراحة انا اتعلمت اني مخدش بالمظاهر الخداعة لان الدنيا كلها مظاهر طبعا البنت دي عمر ما ربنا هيوفقها في حياتها لانها من الواضح عديمة الاحساس واعتذر لو طولت عليك او قولت حاجة ضايقك جميلة
__________________
لو  يارب نولهالنا فرحة صبر السنين ... ونفرح على ارضك يا عراق وترجعى لينا يا فلسطين يارب مش عارف انا اعمل ايه ... يارب قدرهم على اللى هما في مش عارف اعمل حاجه نفسى اعمل حاجه ... شايف اخويا بيتعذب وانا بتفرج عليه والله لو بقينا ايد واحدة لترجع بلدنا مرة واحدة
احنا الاقوى بشهادة الزمان لو مهما كان سلاحهم هيفضل سلاحنا الايمان |
||||||
|
|
|
|
2008-04-23, 09:59 PM
|
#6 | ||||||
|
رد: دمرتنى................!!!!!!!!
أخي Blue Moon صدقني بجد انت قصتك قويه قوي وممكن تكسر أي قلب لكن صدقني موش كل البنات والستات كده زي مادنيتي قالت فيه بنات بتحب بجد وبتخلص قوي وبيبقي كل مابتتمناه في الدنيا انها تعيش طول العمر مع اللي بتحبه وبتتمني انه هوه كمان يكون بيحبها صدقني انشاء الله ربنا هيكرمك باللي تحبها وتحبك وتحس قد ايه انت كنت غلطان لما كنت بتبقي مع البنت دي وبتقول انك بتحبها هتلاقي مشاعر تانيه خالص وأحاسيس عمرك ماحستها وكمان عاوزه اقولك ان من النعم اللي ربنا انعم علينا بيها نعمه النسيان موش هقولك انك هتنساها او هتنسي الموقف اللي حصلك لكن هييجي يوم وتحسه من جواك انك بقيت عادي وهيه ولا تفرق معاك في حاجه وده لما تلاقي الحب الصادق من بنت صادقه ومخلصه مفيش جرح بيفضل علي حاله لا والله ابدا واسأل مجرب كله بيهون عند الكلمه الحلوه والمشاعر الصادقه من قلب بتحبه وبيحبك ربنا معاك ويوفقك ودور علي الاخلاص قبل الحب
__________________
|
||||||
|
|
|
|
2008-04-25, 01:45 AM
|
#7 | |||||||
|
الـــمــراقــب الــعــامــ Master-Mind
|
رد: دمرتنى................!!!!!!!!
بسم الله و الصلاة و السلام على رسول الله اولا اشكركم جدا اصدقائى على ردودكم و اود اولا ان اتقدم باعتذار جامد جدا لانى اتأخرت فى الرد لكن و ايم الله لقد كان التاخر لاسباب خارجه عن ارادتى و باذن الله سوف ابدا الرد الآن
__________________
" اذا الحرب يوما دقت طبولا .... فلا شتم يفيد ولا سبابا " واااااااااااااااااااا معتصماه .... |
|||||||
|
|
|
|
2008-04-25, 02:07 AM
|
#8 | ||||||||
|
الـــمــراقــب الــعــامــ Master-Mind
|
رد: دمرتنى................!!!!!!!!
اقتباس:
الاخت العزيزة " دنيتى " اشكرك كثيرا على مرورك العطر هو يمكن اكتر حاجه مخليه الموضوع مؤلم بالنسبة لى انه ده كان اول حب او على الاقل انا كنت فاكر كده و صدقينى على الرغم من كم الالم اللى سببتهولى تلك الانسانه الا انى بجد ما اتمناش لها انه يتعمل فيها اللى عملته فيا لانه الشعور ده مؤلم لدرجه غير محتملة و انا فعلا اشفق على اى انسان انه يحس بالمشاعر دى حتى لو كان عدوى مرة اخرى اشكرك على مرورك العطر
__________________
" اذا الحرب يوما دقت طبولا .... فلا شتم يفيد ولا سبابا " واااااااااااااااااااا معتصماه .... |
||||||||
|
|
|
|
2008-04-25, 02:29 AM
|
#9 | ||||||||||
|
الـــمــراقــب الــعــامــ Master-Mind
|
رد: دمرتنى................!!!!!!!!
[quote]
اقتباس:
للاسف الشديد الكلام فيه قسوة لان الجرح عميييييييييييييييق و لان الجرح بيكون على قد الحب و المعزة اقتباس:
تحليل رائع ، و غايه فى الدقه لشخصيتى ، كل اللى قلتيه صح جدا لابعد الحدود بصراحه ابتديت اخاف منك ، هههههههههههههههه اقتباس:
الاخت العزيزة " eman r "شغلنى كثيرا ردك و فكرت فى كل كلامكمعك الحق تماما ان قمه الضعف ان ندع الادنياء ينتصرون علينا شكرا لك لمرورك المخملى
__________________
" اذا الحرب يوما دقت طبولا .... فلا شتم يفيد ولا سبابا " واااااااااااااااااااا معتصماه .... |
||||||||||
|
|
|
|
2008-04-25, 02:43 AM
|
#10 | ||||||||
|
الـــمــراقــب الــعــامــ Master-Mind
|
رد: دمرتنى................!!!!!!!!
اقتباس:
لا ابدا لا طولتى ولا حاجه على العكس انا استمتعت كثيرا بقراءة ذلك الرد الثرى اولا اشكرك كثيرا على اهتمامك و ردك العميق ثانيا : لقد احتسبت ما حدث عند ربى هو اولى بى و اعلم و ادرى هل تصدقينى اذا قلت لك انى لا اتمنى لها السوء ولا اتمنى لها ان تمر بما سببته لى من الم بل انى ادعو لها بالمغفرة و ان يسامحها الله لانه بعد تفكير متعمق ان اى انسان يحمل شخصيتها لا يستحق منا الا الشفقه فعلا صعبانة عليا لان عقلها بيقودها لاماكن غلط و ممكن تؤذى نفسها بسهوله الله يعينها و يسامحها شكرا لك كثيرا على ردك و مرورك العطر
__________________
" اذا الحرب يوما دقت طبولا .... فلا شتم يفيد ولا سبابا " واااااااااااااااااااا معتصماه .... |
||||||||
|
|
|
|
2008-04-25, 02:53 AM
|
#11 | ||||||||
|
الـــمــراقــب الــعــامــ Master-Mind
|
رد: دمرتنى................!!!!!!!!
اقتباس:
لا ابدا لا طولتى و لا قولتى اى حاجه تزعل اشكرك كثيرا على مرورك و اهتمامك و اشكرك اكثر من ذلك على ردك الرشيق
__________________
" اذا الحرب يوما دقت طبولا .... فلا شتم يفيد ولا سبابا " واااااااااااااااااااا معتصماه .... |
||||||||
|
|
|
|
2008-04-25, 03:47 AM
|
#12 | ||||||||
|
الـــمــراقــب الــعــامــ Master-Mind
|
رد: دمرتنى................!!!!!!!!
اقتباس:
اشكرك كثيرا على ردك المتميز نصائح غاليه ساحاول الاستفاده منها قدر المستطاع الله يسامحها و يغفر لها شكرا لك لمرورك العطر
__________________
" اذا الحرب يوما دقت طبولا .... فلا شتم يفيد ولا سبابا " واااااااااااااااااااا معتصماه .... |
||||||||
|
|
|
|
2008-06-12, 04:15 PM
|
#13 |
|
مشـرفـة قسـم عـالـم حـواء < |