]] دنيتي حلــم في زمن المستحيل [[ على كرسي الاعتراف

روح مصر · 05-05-2008, 04:34 AM

ೊ صباح الورد لـ كل القلوب الرائعهـ التي سكنت أركان المنتدى الرائعೊ

،
،

ೊ اليــوم ೊ
ೊ وعلى كرسي إعترافنا المتواضع
نستقبل شخصية رائعة ೊ

،
،

ೊ إنسانة تشبعت روحها بالجمالೊ

ೊ تنشر السعادهـ أينما كانت ೊ

،
،

ೊ هيೊ
ೊ الهدوء والصمت العذب بعد الكلامೊ
ೊ كلما اقتربنا منها تشوقنا لهاೊ
ೊ لانريدفراقهاೊ

،
،

ೊ كماحبهاೊ
ೊ وكمتحبونهاೊ
ೊ وكم تشتاق ارواحكم لمعرفتهاೊ
،
،

،

ೊ فقط أنهاೊ
\
/
\
/
\
/

دنيتي حلم في زمن المستحيل

][ مشرفة قسم الحوار والنقاش و تجربتي ][

أختي الرائعة
دنيتي
كلماتي لكِ قليلة جدا بحقكـ
ولا توفيكِ ماتسحقين
فـ اعذريني غاليتي

و
انتظريني بعودهـ
و
ختاما
" دمتي بكل الخير والسلامهـ"
وأبعد الله عنكِ أي استحالة " حلم "
م ح ب ت ي

دنيتى حلم ف زمن المستحيل · 05-05-2008, 11:09 AM

غاليتى روح
اشكرك حبيبتى على ترحيبك الغالى جدا على قلبى
واوعدك واوعد كل اعضاء منتدانا الغالى
انى اكون ضيفه صريحه جدااااااااااااااااااا لاقصى الحدود
وبتمنى انى اكون ضيفه خفيفه على قلوبكم

دمتم بكل خير

"دنيتى "

رحال العشق · 05-05-2008, 01:17 PM

احم احم

السلام عليكم

ازيك يا دنيتي اخبارك ؟؟

منورنا و الله

يــلا انا قلت اجى الحق السؤال الاول
و اللى هو البطاقة التعريفية او
البطاقة الشخصية بتاعت السجل المدني بتاع المملكة

دنيتى حلم ف زمن المستحيل · 05-05-2008, 01:51 PM

اهلا يا رحال منورنى طبعا زى عادتك
البطاقه الشخصيه (( التعريفيه))
الاسم: مروه
تاريخ الميلاد:19/4/1980
المؤهل : ليسانس اداب قسم جغرافيا شعبه عامه
الوظيفه: مدرسه تخاطب لذوى الاحتياجات الخاصه
العنوان: الاسكندريه
اممممممممممممممم
دى تقريبا كل بياناتى

رحال العشق · 05-06-2008, 12:49 AM

بـــاك تانى يا دنيتي
و معايا كام سؤال خفيف كده

1- سبب اختيار اسم دنيتي حلــم في زمن المستحيل ؟؟
2-اكتر شخصية دنيتي متاثرة بيها ؟؟ بمعني اخر المثل الاعلي ؟؟
3- ما رايك فى المقولة :-
البعيد عن العين بعيد عن القلب ؟؟

4-

اقتباس:

الوظيفه: مدرسه تخاطب لذوى الاحتياجات الخاصه

الوظيفة على زى ما انا شايف و سمعت عنها صعبة
او بتحتاج صبر كبير ... مدي ميولك للوظيفة دى ؟؟
هل هى عن حب للمهنة ؟؟ ولا وظيفة و السلام ؟؟
و ياتري احساسك و انت بتادي مهام الوظيفة ؟؟
يعني ممكن كلام من جميع الجهات الممكن عن الوظيفة

و دول شوية و منتظر الاجابة و راجع تانى

دنيتى حلم ف زمن المستحيل · 05-06-2008, 02:58 PM

اقتباس:

بـــاك تانى يا دنيتي
و معايا كام سؤال خفيف كده

نايس باك رحوووووول ومنورنى طبعا

1

اقتباس:

- سبب اختيار اسم دنيتي حلــم في زمن المستحيل ؟؟

من وانا طفله صغيره كنت بشوف الدنيا دى كانها جنه وكل الناس اللى فيها طيبين وكانهم ملايكه وفضلت النظره دى جوايه لحد وقت قريب وف كل مرحله من حياتى كانت بتقع منى ناس بكتشف بالوقت انى كنت مخدوعه فيهم لكن كنت بخلق لكل واحد منهم الف عذر ولحد وقت مش بعيد اكتشفت انىالدنيا اللى انا عايشه جواها دنيتى انا لوحدى ومكانها هو خيالى وبس مش ارض الواقع فبدات احسها زى الحلم لكن للاسف كانت دايما معامله البشر بتثبتلى انه حلم مستحيل
2

اقتباس:

-اكتر شخصية دنيتي متاثرة بيها ؟؟ بمعني اخر المثل الاعلي ؟؟

على المستوى الشخصى هو والدى الله يرحمه كان انسان بسيط ف بدايه حياته لكن بطموحه وكفاحه بجد قدر يبقى شىء كبير اوى
كن على المستوى العام فهو الشيخ متولى الشعراوى
عارف لما الماده او العلم بالذات بيجتمعوا ف انسان وف نفس الوقت بيكون من جواه انسان بسيط وطيب بجد بيبقى يستحق انه يكون مثل اعلى
3

اقتباس:

- ما رايك فى المقولة :-
البعيد عن العين بعيد عن القلب ؟؟

مش بعترف بيها نهائى
طالما جوه القلب ساكن حب حقيقى خالى من اى مصالح شخصيه فمهما كان البعد عمره ما ياثر فيه
واكبر دليل على كلامى انى فيه ناس كتيير مش معانا ف الدنيا لكن عايشين جوه قلوبنا

4-
ا

اقتباس:

لوظيفة على زى ما انا شايف و سمعت عنها صعبة
او بتحتاج صبر كبير ... مدي ميولك للوظيفة دى ؟؟

هى مش وظيفه صعبه قد ما هى فعلا محتاجه حب وصبر

اقتباس:

هل هى عن حب للمهنة ؟؟ ولا وظيفة و السلام ؟؟

هى فعلا عن حب كبير اوى وانا اخترتها برغبتى لانها اصلا مش مجال تخصصى

اقتباس:

و ياتري احساسك و انت بتادي مهام الوظيفة ؟؟

بجد يا رحال بحس انى عايشه وانى لدنيتى معنى

اقتباس:

يعني ممكن كلام من جميع الجهات الممكن عن الوظيفة

شغلى ده حصل بسبب انى ليه واحده صاحبتى قريبه اوى منى كان عندها طفل عنده autism
(توحد)
فكنت دايما بتردد معاها على المراكز الخاصه بعلاج حالات الاوتيزم او الحالات المشابهه ليها لذوى الاحتياجات وكنت بحضر معاه الجلسات الخاصه بالعلاج بجد لاقيت انى الامر بسيط جدا
بس لازم اولا تكون بتعشق الاطفال وثانيا تكون صبور جداااااااااا
ولازم يكون فيه لينك بينك وبين الطفل وخاصه من نبره الصوت لانى طفل الاوتيزم صعب اوى ومن المستحيل انه يبص ف عينك ابدا وانت بتتكلم ومستحيل يخليك تقدر تلمسه ولو ده حصل فاتاكد انه حبك
فبالتالى بيكون اللينك الوحيد بينكم ف بدايه التعامل هو نبره الصوت لو حس من نبره صوتك لوحدها حنان منك هيتسجيب لكل كلامك بس برضه بالصبر اما لو العكس فمن المستحيل انه يقعد خمس دقايق على بعض معاك
فبدات اتعرف اكتر ع حالات شبه كده وجه الامر بالممارسه واخد وقت طويل جداااااا لحد ما قدرت اخد القرار بانى اقدر اقدم مساعده للاطفال دوول

اقتباس:

و دول شوية و منتظر الاجابة و راجع تانى

تنور اى وقت ومستنيااااااااااك طبعا

[/quote]

عازف الأحزان · 05-06-2008, 05:02 PM

احم احم
ازيك يا دنيتى اخبارك ايه

اولا حمدا لله على سلامتى ورجوعى المنتدى تانى

بس هيا مشاغل والتجنيد المهم هسألك كام سوءال كده السريع

اولا : هدفك ايه فى الحياه ؟
ثانيا : مقوله بتردديها دايما لو انتى فى ازمه او ضيق ؟
ثالثا : كلمه توجيهيها لكل من ورأيك فى كل منهم
1:- رحال العشق
2:- سمسم
3:- جريح المشاعر
4:- زهره مصر الرقيق
5:- همس الجروح
6:- روح مصر
وأخيرا :- عازف الأحزان
رابعا :- امنيه تمنيتيها وتحققت واخرى لم تتحقق ؟
خامسا :- اذكرى أعمده المنتدى والتى بدونهم يتعثر المنتدى فى مسيرته ؟
سادسا :- ارجو الا أكون قد أزعجتك بأسئلتى وان كان فى العمر بقيه سأعود لأسئل أسئله أخرى
لكــــِ مودتيـــــعــــ الأحزان ـــازف

دنيتى حلم ف زمن المستحيل · 05-07-2008, 11:35 AM

اقتباس:

احم احم
ازيك يا دنيتى اخبارك ايه

اهلا عازف منور
تمام الحمد لله بخير

اقتباس:

اولا حمدا لله على سلامتى ورجوعى المنتدى تانى

ههههههههههههههههههههههه
طبعا الف حمد لله ع سلامتك ويارب دايما كده معانا منور

اقتباس:

بس هيا مشاغل والتجنيد المهم هسألك كام سوءال كده الس

ريع
ربنا يوفقك يارب ويقويك
اتفضل طبعا

اقتباس:

اولا : هدفك ايه فى الحياه ؟

اولا انى اكون زوجه صالحه
ثانيا انى انجح ف شغلى ويكون ليه مركز خاص بيه
وانى دايما اكون قادره انى اساعد كل حد واى حد محتاج مساعدتى

اقتباس:

ثانيا : مقوله بتردديها دايما لو انتى فى ازمه او ضيق ؟

هى مش مقوله هى دعاء
اللهم انى احمدك على كل قضاءك حمدا رضا بحكمك لليقين بحكمتك

اقتباس:

ثالثا : كلمه توجيهيها لكل من ورأيك فى كل منهم
1:- رحال العشق

رحال اتعرفت عليك من خلال ارائك من فتره قريبه بس بجد بجد حسيت انى اعرفك من زمان وكتيربيعجبنى تفكيرك و بجد بحس من كلامك انك عاقل جداااااا وحنون بتمنى ربنا يوفقك ف كل خطاك
2

اقتباس:

:- سمسم

سمسم اخويه الكبير عقلا والصغير سنا بحس انك من زمن غير زمننا زمن انتهى من وقت طويل جدااا بجد ماشاء الله عليك انت فعلا سابق سنك ربنا يوفقك
3

اقتباس:

:- جريح المشاعر

يمكن مش اتعاملت معاه بس بحس كتير انه انسان طيب اوى وبتمنى نعرف بعض بشكل اكبر
4

اقتباس:

:- زهره مصر الرقيق

زهره انا بحس انك شخصيه قويه وعقلانيه اوى وده جميل جدا ف اى بنوته
ربنا يوفقك
5

اقتباس:

:- همس الجروح

متخيلاكى كتير رقيقه وحنونه وبجد بحس انك شخصيه طيوبه اوى بس يا هموسه عاوزه اقللك ع نصيحه اخت لو كان احساسى ده صح بشكل كبير حاولى حبيبتى ما تتعامليش كده مع كل حد لانى ده ممكن يتعبك بعدين ف حياتك لا قدر الله
6

اقتباس:

:- روح مصر

رورو حببيه قلبى بحبها كتير وبحب حبها لمصر برغم انها ما عاشتشى فيها بس بجد مبسوطه كتير من انتمائك لبلدك روح طيبه وف نفس الوقت جدعه كتير

اقتباس:

وأخيرا :- عازف الأحزان

برضه عازف من الشخصيات اللى بتمنى يكون فيه بينا تعامل بشكل اكبر م كده
يمكن زى مانت قلت ظروف التجنيد بس حاسه انى محتاجه اعرفك اكتر م كده لكن بالنسبالى اسمك يكفى انى اقول انى جواك شىء محتاج يخرج يمكن بقللك كده لانى عارفه بشكل كبير انى الاحزان
ف مرحله معينه بتخلق سجن جوه صاحبها وتسلسله بقيود

اقتباس:

رابعا :- امنيه تمنيتيها وتحققت واخرى لم تتحقق ؟

اتمنيت دنيا غير الدنيا والحمد لله بدات اشكل ملامحها
والامنيه اللى ماتحققتشى انى يكون عندى مركز للتخاطب وبرضه بتمنى انها تتحقق
خامسا :-

اقتباس:

اذكرى أعمده المنتدى والتى بدونهم يتعثر المنتدى فى مسيرته ؟

كل الاسماء اللى طلبت منى انى اوجهلهم كلمه هما دول بجد اعمده المنتدى

اقتباس:

سادسا :- ارجو الا أكون قد أزعجتك بأسئلتى وان كان فى العمر بقيه سأعود لأسئل أسئله أخرى

بالعكس عازف مبسوطه كتير باسئلتك وبتمنى ترجع تانى وتالت وتسئل
لكــــِ مودتيـــــعــــ الأحزان ـــازف

[/quote]