فرحنا كلنا سوا وهنقولكم هنتجمع فين !!

زهرة مصر الرقيق · 2008-05-26, 11:26 PM

السلام عليكم ورحمه الله

ازيكم يا بنوتات منورين الدنيا دى كلها

الموضوع انهارده اللى جايباه غير اى موضوع تقليدى

ومش منقول بردو .. الموضوع ببساطه

انى كنت بفكر فى لو كل بنوته بتحلم بيوم فرحها

هتحلم بيه ازاى .. !! طيب كدا الحلم

ايه رأيكم كل واحده بقى تقول لو خلاص فرحها قرب

وعليها هيا اللى تختار شكل الفرح هيكون فين

قاعه فى اوتيل ولا حفله فى نادى ولا ولا

عايزة ردود كل بنوتات المنتدى

ومش بس تقول مثلا انا عاوزة فرحى فى مكان ايه وبس

لا تقول بقى هتخلى ديكورات الموضوع ازاى كمااااااان .. !! ايوة طبعااا

احنا عاوزين كل رد هنا

يبقى فرح كااااااااامل والمعازيم بقى احنا

ولو ع العريس هنجيبهولك من اى مكان

ولو حتى صينى كله بيستورد دلوقتى

فكروا بقى وهسيبكم

واستنونى هقولكم فرحى معاكم

الفتاة الخيالية · 2008-05-28, 01:27 AM

والله موضوع جميل قوي يازهورة بس بصراحة انا مفكرتش في حكاية الفرح دي يعني أول شكله هيبقى إزاي أو الديكور فيه هيبقى عامل إزاي
هفكر وأرجع أقولك بس فكرة حلوة قوي حبتها بس بلاش حكاية العريس الصيني دي الله يكرمك الواحد خلاص كره نفسه من كتر مابيشوفهم في كل حتة لو هتجيبي العريس عايزينه محلي مش مستورد

زهرة مصر الرقيق · 2008-05-28, 11:12 PM

ههههههههههههههههههه

حاضر يا الاء هجيبهولك مصرى اصيل من النوبه كمان

يللا مستنياكى تانى

ياسوووووو · 2008-06-16, 12:22 PM

ههههههههههههههههههههه
موضوع حلو قوي يازهوره
وفعلا ياريت يكون العريس محلي وبلاش حاجات الصين المضروبه دي
ههههههههههههههههههههه
شفتي الاء خايفه علي نفسها ازاي !!!!!!!!
اما بالنسبه لتخيل الفرح هيكون ازاي
موش هقدر اشارك في الموضوع الخيالي ده
لاني اتجوزت وعملت فرحي ......................
وكانت ليله من احلي ليالي العمر
بس وقت الفرح بيعدي بسرعه قوي موش عارفه ليه كده
عقبالكوا كلكوا يارب وافرح بكل بنوتات المنتدي
أمين يارب العالمين
هسييبكوا انتوا بقي للخيال وهستني اشوف كل واحده بتحلم تعمل فرحها ازاي ؟؟؟؟؟؟؟؟

ZouZou · 2008-06-25, 05:15 PM

[rainbow]
انا باه يازهوره فكرت في الموضوع ده كتييير

انا عاوزه اعمل خطوبتي في قاعه افراح مثلا في الدون تاون

ونفسي اباه لابسه فتان تحفه فكرت في اللون الزهري المطعم بالفضي بس ده مش اكيد لان وقتها برضه حشوف الموضه ايه وتناسبني ولا لأ

العريس ان شاء الله يكون طويل وعريض ووسيم عشان مش يبوظلي شكل الفرح

حابه اني انزل انا وهو القاعه من فوق علي البست علي طول

المعازيم اكترهم يباه شباب وغالبا حيباوا اصدقائي من الجامعه عشان يباه الفرح لذيذ وممتع

بس كده لو فكرت في حاجه تانيه حأولك علي طوووووووووووووووول
[/rainbow]

ZouZou · 2008-06-25, 10:45 PM

[rainbow]
عجبتني اي الكوشه دي لان فعلا هو ده شكل الفرح زي مابتخيله
[/rainbow]

زهرة مصر الرقيق · 2008-06-25, 10:59 PM

مبسوطه بوجودكم والله يا بنوتات

ويارب نفرح بيكم كلكم هنا

ممم انا بقى نفسى يبقى الفرح بتاعى

اوبين اير .. فى جنينه جميله اوى

ويبقى اللون الاخضر هو الخلفيه

والابيض بقى الزهور اللى هتبقى موجوده مع الديكور

اللى بردو عايزاه ابيض

يعنى ده اللى فى بالى

طبعاً كلكم هتبقوا معزومين بقى

يعنى ايجى كراك هو اساس الفرح

ههههههههه ونسيبنا من الباقى حتى العريس

ممممممم ولا بلاش نسيبنا من العريس دى

احسن الموضوع يبوظ !!

ZouZou · 2008-06-25, 11:01 PM

الفستان ده باه عجبني جداااااااااا اعتقد فستاني ممكن يباه شبهه كده ان شاء الله ايه رايكم

زهرة مصر الرقيق · 2008-06-25, 11:59 PM

جميل يا زوزو

----------------------

انا بقى بحب الاستايل ده فى فساتين الزفاف

دى صورة لشكل الفستان

ياسوووووو · 2008-06-26, 09:31 AM

الله عليكي يازوزو الكوشه والفستان الاتنين احلي من بعض
يارب تحققي اللي بتتمنيه

وانت كمان يازهوره فستانك تحفه لذيذ مووووووووووووووووووت
وفكره الفرح بتاعتك عجباني قوي

علي فكره انا كمان كان نفسي اعمل فرحي بنفس الطريقه دي
بي للأسف ماكانش ينفع !!!!!!!!!!!!!!!!!!!!!

زهرة مصر الرقيق · 2008-06-27, 05:15 PM

ياسو والله منوره الموضوع

وبعدين اهو انتى اما تدخلى هيبقى فال حلو للباقيين

هههههههه اوعى تفتكرى اننا مستعجلين ولا حاجه

ده بس عشانهم هما

ZouZou · 2008-06-27, 07:49 PM

[rainbow]

ايوه انا شخصيا مستعجله ومتفائله بد*** ياسو

وبعدين فين بقيت السحالي هما مش عاوزين فرح ولا ايه

[/rainbow]

magic girl · 2008-06-27, 07:58 PM

وااااااااااااااااااو توبيك تحفه اوى يا زهوره بجد تسلم ايدك يا قمر
انا بقى نفسى اعمل فرحى فى قاعه شيك اوى زى مثلا دون تاون
ويكون الفستاااااااان ديله طوووويل ويكون جنبى بنوتات صغيره لابسين ابيض
ياااااااااااه هيبقوا تحفه اوى
وتكون الزفه بالمشاعل اكنى ملكه
واااااااااااااااو
انا هجيبلكم شكل الفستان بتاعى
بس هبدا بالخطوبه الاول لانى هى اللى قربت انا عزماكم يا بناااااااااااااااااااااات
اوعى تنسوا

magic girl · 2008-06-27, 08:00 PM

مش عاوزين ازاى يا بينتى اكيد طبعا كل بنت بتحلم باليوم ده يعنى انا عن نفسى بحلم بيه بس بشرط يكون حياتى كلها زى يوم الزفاف ده وده طبعا مستحيل مش كده ولا ايه
ههههههههههههههه

ZouZou · 2008-06-27, 08:31 PM

[rainbow]

مافيش مستحيل وفي انتظار نشوف فستانك يا عروسه

[/rainbow]

ياسوووووو · 2008-06-30, 12:03 PM

والله يعني هوه موش مستحيل قوي
بس فيه حاجات بتتغير وحاجات بتبقي حلوه وحاجات بتبقي نص نص
يعني
ربنا يوفقكوا يارب
ومستنيين فستانك ياماجيك
انت بجد خطوبتك قريب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟