بصي يا قمر
انا بقى مش هقولك نصايح ولا كلام وخلاص
انا مريت باللي انتي بتقولي عليه ده ..
هو يمكن مش بنفس الظروف بالظبط ولا
التفاصيل دي .. بس نفس النتيجة
يعني وعدني بحاجات علشان مستقبلنا برضه
بس ما عملش منها حاجة .. مش عشان هو مش بيحبني
معرفش ايه السبب.. يمكن حبه ليا ماكانش دافع كفاية انه يعملها
او زي ما بيقول انه ماكانش فاهم وان الدنيا سرقته وانه خلاص فهم
انا كنت بقول زيك كدة مش هقدر وكان بيتقالي نصايح وكنت بشوف انه
مجرد كلام وخلاص عشان يخرجوني من اللي انا فيه
بس صدقيني كل حاجة في اولها صعب ..واعرفي ان دايما كل حاجة ليها اخر
مهما كانت صعوبتها ومهما طالت في الاخر برضه هتنتهي
يمكن برضه ما تحسيش بكلامي ده دلوقتي لاني كنت برضه في مكانك وماكنتش
بصدق ولا بقتنع ..بس يمكن تتأكدي منه بعدين
كل اللي ممكن اقولهولك .. ما تضيعيش عمرك مستنية امل مش عارفة هيتحقق
ولا لا .. ولا تعلقي نفسك باوهام ممكن تفوقي منها على كابوس.. ساعتها هتبقي
بجد حطمتي نفسك وهيبقى صعب اوي ترجعي لحالتك الطبيعية
وبيقولك .. اسأل مجرب ولا تسأل طبيب

وبعدين في مقطع في اغنية ل اصالة بيقول
" حتى اللي كنت دايبة في هواه وبقول في بعده مفيش حياة
خدت الحكاية وقتها وكل شيء راح وانتهى "

وقبل كل ده .. اعرفي ان اللي ربنا كاتبهولك هتشوفيه غصب
عن اي حد ومهما عملتي او هو عمل
وربنا يوفقك ويكتبلك الخير