 |
 |
 |
 |
 |
 |
 |
 |
 |
|
|
|||||||
| دنـــ ،، ـــيـــ ،، ـــتـ ،، ـــى |
 |
|
|
أدوات الموضوع | انواع عرض الموضوع |
2008-07-05, 12:08 AM
|
#1 | ||||||
|
عضوية عامة تابعة لقسم مشكلتى
|
مأساتى فى حبى الاول
السلام عليكم ورحمة الله وبركاته
انا فتاه عندى عشرين سنه احببت شابا وانا عندى تقريبا 16 سنه وهو ف سنى بردو احببته من كل قلبى وحسيت معاه بأجمل احاسيس فى الدنيا .. كان اول حب فى حياتى وحسيت معاه طعم الحب بجد كان فى نظرى اجمل شاب فى الدنيا وهو كمان كان مبين لى كده او بمعنى اصح كان ف عنيه كده جه اتقدم لخطبتى بعد فتره من قصة حب جميله واترفض من اهلى تماما تماما ومع ذلك اتكلمت معاه تانى بس مطلعش بنتيجه وبعد فتره قربلى شخص تانى ومعاه اكتشفت عيوب كتير فى الشخص الاولانى ومش عارفه ازاى مكنتش واخده بالى منها مع انها عيوب خطيره جدا ومع ذلك كنت بحبه ومش نقص حاجه من حبى ليه لكن عيوبه كانت بتزيد يوم بعد يوم واسائته ليه بتزيد وتجاهله برضو بيزيد وانانيته واكتشفت انه مكنش بيحبنى من الاساس وانه كان بيعرف واحده تانيه فقررت اقطع علاقتى بيه نهائيا الا انى مش قادره انساه ومش قادره ومش قادره اتعامل مع اى حد تانى ولا ارتبط بحد مع انى اتقدم لى ناس كتير وكويسين جدا .... لكن انا للاسف مش متخيله نفسى مع حد تانى غيره ودلوقتى فيه انسان ظهر فى حياتى الانسان ده هو اللى خلانى اكتشف حقيقة الشخص اللى حبيته انا قولتله على كل حاجه فى حياتى وقولتله ان انا لسه بحبه ومش قادره انساه قالى ادينى فرصه وانا هنسيهولك بس ادينى انتى الفرصه بحس انه مستعد يعمل عشانى اى حاجه .... بيتمنالى الرضا ارضى واتقدم فعلا ليه واهلى موافقين عليه جدا وارتاحوا له جدا جدا بشكل غير عادى ومع كل ده قولت ادينى فرصه افكر لكن انا بينى وبين نفسى مش موافقه خالص ومش شايفه نفسى معاه وحسه انى مش متقبلاه قولولى دلوقتى اوافق عليه ولا ارفض تماما واحاول انسى الاتنين وابدأ من جديد بجد بجد منتظره ردودكم على احر من الجمر ومتبخلوش عليه بالرد
__________________
مشكلتى .. يوزر خاص بمملكه فيض المشاعر قسم (( مشكلتك ))
|
||||||
|
|
|
2008-07-05, 12:54 AM
|
#2 | |||||||
|
~ ربـي من لي غيرك ~ 
|
رد: مأساتى فى حبى الاول
ساعات اما بنحب بنحس اننا منقدرش نعيش من غير اللى حبيناه وبنحس اننا بنموت بمجرد ما بيبعد لثوان بس مشكله حياتنا انها مش هتدينا كل حاجه ومهما اتمنينا فمستحيل هيتنفذ كل احلامنا حبيبتى انا والله حاسه بيكى بس هقولك حاجه انتى مشكلتك سهله اوى بجد .. يمكن تحسى بس بتعب لفراقه وكدا بس صدقينى مش هو ده اللى يستاهلك .. حاولى تنسيه .. مش هقولك الحب الجديد هينسيكى القديم لان مهما حصل محدش بيقدر ينسى حب عدى فى حياته بس هقولك انى لسه سامعه مثل انهارده بيقول خدى اللى يحبك مش اللى تحبيه  وللاسف ده صح .. عارفه حتى لو حصل اى زعل حبه هو هيبقى اكتر من حبك وهو اللى هيبقى شاريكى عشان مترجعيش تزعلى تانى او تتعذبى من جديد انا عارفه ان دى وجهه نظر غلط بس بجد الواحد اتعذب كتير ومش لاقى اجابه للدنيا غير دى وادام هو كويس واهلك موافقين عليه اعملى استخاره وشوفى بردو مع نفسك وربنا يوفقك يارب |
|||||||
|
|
|
|
2008-07-05, 04:17 AM
|
#3 | |||||
|
رد: مأساتى فى حبى الاول
انا معاكى جدا فى الحكاية دى ربنا يبارك فيكى
|
|||||
|
|
|
|
2008-07-05, 08:48 AM
|
#4 | ||||||||||
|
إدارة المنتدي Man From Another Age 
|
رد: مأساتى فى حبى الاول
أختى الكريمـة اسمحيلى اتكلم بدون مقدمات وبشكل مباشر بعض الشىء الشاب الأول واللى حبه لسه فى قلبـك زى ما كلماتك وضحت ميستحقش تماماً الحب ده يمكن اربع سنين من الحب مش حاجة بسيطة ويمكن يكون حب اول .. ودى بردو مش بسيطة بس رغم ده كله فعلاً ميستحقش والسبب .. انتى اللى حددتيه بنفسك وده بعد د*** الشخص التانى فى حياتك هقول اننا متفقين لحد هنا لكن .. ازاى حبيتى انسان وبعد د*** انسان تانى فى حياتك بدأتى تشوفى فى الأولانى عيوب كبيرة اوى زى دى ؟؟ هل فعلاً مكنتيش شيفاها ؟؟ ولا كنتِ عارفاها بس بتهربى منها ؟؟ مممم او ممكن الحب كان بيخليكى تتغاضى عن اى حاجة !! وعلاقتة بواحدة تانية زى ما قولتى .. هل حددتى ماهيتها بالظبط ؟ عايز اقولك ان اللى بيحب حد بجد بيحبه زى ما هو بعيوبه قبل مميزاته ، وبكل ما فيـه بدون كلل او ملل منها وطول ما الحب ساكن قلوبنا بنفضل شايفينهم ملايكة حتى لو حطينا ايدينا على العيوب دى !! انتى يمكن دخل فى حياتك شخص تانى وزى ما قولتى ان حب الاولانى لسه جواكِ طيب منين التانى قدر يكشفلك عيوب الاولانى وفى نفس الوقت بتقولى انك لسه بتحبيه ؟ اعتقد ان الشخص اللى يكون قادر على انه يكشفلك عيوب انسان كان بيمثل ليكِ الحبيب فى يوم من الايام لااااازم هيكون ليه مكان جواكِ ولازم بردو يكون الاولانى فى المرحلة دى بيعلن عن وداعه جوه قلبك لإن زى ما قولتلك فى البداية .. اللى بيحب حد مبيشوفش فيه عيوب بالشكل ده كله ولا بيسمح لحد من الأساس انه يشوه المعنى اللى جواه مممممم هتحسى للحظات ان افكار كلامى متداخلة بس كل اللى بحاول اوصله معاكِ انك تحطى كل حاجة مهما كانت صغيرة قدامك وبشكل سليم عشان تقدرى تقررى لان مش بعيد تكتشفى فى النهاية ان الشخص التانى او الاخير هو اللى بدأ يكون ليه مكان جواكِ بشكل كبير وانتى مش حاسه وده بيحصل كتير جداً ووهم الحب الأول بيكون جواكِ زى بقايا جرح ملتئمش ؛؛؛ حاولى تحددى عواطفك بشكل اكبر لانك ادرى من اى بنى ادم تانى بيها والأهم .. انك تقيمى الإنسان اللى حبه فى قلبك اياً كان هو مين فيهم ومتفكريش تحبى انسان باعك او مقدركيش فى وقت انتى احتاجتيله لانك وقتها هتبقى بتظلمى نفسك اكبر ظلم وبتشترى بنفسك الألم والتعب لقلبـك ؛؛؛ اقتباس:
فى الوقت اللى انتى حكيتيله على كل حاجة فى حياتك وبردو هو قدر يظهرلك عيوب الطرف الأول بوضوح اوى مممممم فى شىء غير منطقى ويمكن حلقة مفقودة بالنسبالنا مممممم معقول مفيش جواكِ اى احساس من ناحيته ؟؟ مجرد تساؤل عابر  اقتباس:
لو فعلاً بتعنى كلمتك دى .. يبقى تأكدى اننا بنقابلهم بشكل قليل جدا اقتباس:
باختصار .. انتى اللى هتعيشى مش اهلك ؛؛ وممكن يكون انسان كويس جدا فعلاً بس مفيش راحة نفسية فلازم القرار يكون سليم اقتباس:
ولا نسيان الأتنين حل كل ده غلط قبل ما تحسمى الموضوع مع نفسك بشكل اعمق ممممممم بس هقولك حاجة من واقع كلامك : مبدأيا من الواضح ان الاولانى انتهى بالنسبالك واللى جواكِ اعذرينى لو سميته وهم او ممكن نقول بقايا حب جميل مش قادرين نصدق انه انتهى وبنقنع نفسنا بالع** !! وبالتالى هيبقى دلوقتى قدامك حاجة من الاتنين - اما انك هتلاقى نفسك فعلاً مرتاحة للتانى جدا لدرجة انك ممكن تكونى بتحبيه ومش قادرة تحددى ده لكن اترجم الحب ده على شكل راحة نفسية ومعانى كتير ؛؛ او يكون فى بداية مثلاً للحب جواكِ او يكون هو انسان كويس ومعجبة بيه بس وشايفة انه سهل يتحب بالذات انه بيحبك ومش عايز غير رضاكِ .. وقرارك هيبقى موافقة !! - والحل الاخير انك هتقررى انك ترفضى كله وهنا هيبقى فى نقطة ومن بداية السطر وولا كإن كان فى حاجة بس المهم اننا هنكون اتعلمنا كتير ؛؛ القرار راجع ليكِ .. مش لأى حد احنا بنحاول نشاركك اكيد .. لكن مش هينفع تلاقى عندنا القرار بنسبة 100% لإنك انتى اللى حاسه وانتى اللى عايشة المشكلة كلها !! عايز اقولك انك بعد ردى من الوارد جدا انك تحسى انك تايهة شوية او محتارة بشكل كبير ويمكن مممم تعبانة بس اسمحيلى اقولك ان لو حصل ده هيبقى رد فعل طبيعى لانك هتكونى خدتى جولة سريعة جواكِ بس بشكل انتى نفسك مكنتيش قادرة تعمليـه او بمعنى ادق كان فى مواجهة صريحة وهيبقى مطلوب منك قرار مهم جداً فلاااازم تفكرى كويس فى ادق التفاصيل وده لوحده كفيل يكون سبب فى قلقك بس فى النهاية لازم هتوصلى لحل بإذن الله ممممم اسئلتى فى اول الرد مكانتش هجوم ولا هقولك منتظر ليها اجابة بس حاولى انتى تجاوبيها بينك وبين نفسك وقوليلنا وصلتى لإيه بعد التفكير الطويل ده واكيد احنا لسه مع بعض كلنا هنا وهنشاركك على قد ما نقدر وان شاء الله فى اقرب وقت تلاقى نفسك على ارض ثابتـة عن كده وتخرجى من جو القلق الداخلى اللى عايشة فيـه طبعاً صلاة الاستخارة زى ما زهرة قالت هتكون خير عون فى كل قرار متتردديش انك تصليها ودلوقتى .. احب اعتذر عن اطالتى وللقاء عودة
__________________
|
||||||||||
|
|
|
|
2008-07-17, 01:31 PM
|
#5 | ||||||
|
رد: مأساتى فى حبى الاول
حبي الي يحبك متحبيش الي انتي تحبيه وحاولي تديلو الفرصة يسبتلك حبو ولو محستيش انك عاوزه عرفيه لكن متحكميش عليه بدون ماتديلو فرصه مش يمكن يكون احسن بكتير من الثاني
ربنا يوفقك
__________________
...انا واحده بحب الحرية مش عايزة حبيب يخنق فيا بصراحة محدش يستاهل عالشانو انام يوم زعلانة 
|
||||||
|
|
|
|
| مواقع النشر (المفضلة) |
| الكلمات الدلالية (Tags) |
| مأساتى , الاول , حتي |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الفلم الرائع Sherk الجزء الاول و الثانى نسخة DvdRip | Roma_Feroo | قـسـم أفـلام الإنمى والكارتون | 15 | 2008-06-27 02:49 PM |
| موسوعة عظماء كرة القدم | اسامة المصرى | قسم الأخبـار والمناقشـات | 3 | 2007-07-15 12:09 PM |
| حوار بين أثنين سمعهم تقييييل | رحال العشق | قـسـم التسلـية والتـرفيـه | 3 | 2007-05-11 12:52 PM |
الساعة الآن 08:58 PM.
الإعلانات النصية
