تجربتي هحكيها لكم هي لصحبتي جدا
بتحب شخص من حوالي سنتين ونص او 3 سنين العلاقه بينهم اتعمقت وكانت علاقة مشرفه جدا وكان عنده مشاكل عائليه انه من الصعيد واهله عاوزين يجوزوه قلايبته وهو رفض رفض تام وكان بيحب صحبتي وكان بيقولها هنصبر لحد الظروف لما تتعدل كان بيشتغل في محافظة تانية وكان بعد سنة ونص حب سابها وقالها مش هينفع نكمل وسابها 5 شهور :'(:'(:'( كانت حالتها النفسيه سيئة جدا ومحبطة والدنيا سوده في عينها ورجعها بعد 5 شهور وعلاقتهم اتعمقت اكتر واكتر والظروف ضدهم وهي صابرة ومش بتشتكي ومتحمله وبعد سنة ونص تانيه سابها وقالها انا تعبت مع اهلي ومش هتجوز قريبتي دي انا ما سبتكيش علشانها انا هسيب لهم البلد كلها وهسافر بلد عربيه وهفضل فاكرك طول عمري وهي دلوقتي بتموت من الصدمة في رأيكم بقي ؟؟؟؟؟؟؟؟؟
في امان في الزمن ده وفي حب عن تجربه شخصيه اعتقد انه مفيش عاوزة اسمع رأيكم في تجربتي

سؤالي بقي هل الزمن اللي بنعيش فيه ده في حب حقيقي بجد ولا كله كلام وبس؟؟؟؟؟؟
وهل حب البنت واستعدادها عن تقديم تنازلات وياريت متفهموش من تنازلات دي اي معني مش كويس اللي اقصده هو تنازل عن الماديات والشكبة الحاجات دي ؟؟؟؟؟؟؟؟

سومه
اولا حابه اقللك انى سعيده جدا لمشاركتك معانا الاسبوع ده ف قسم تجربتى
بالنسبه لتجربه صحبتك فهى تقريبا بتتكرر كتير اوى اليومين دول بس باشكال مختلفه لكن المضمون واحد هو الهروب
والهروب بمعنى انى اسيب كل المشاكل وارميها ورايا وبالمره اسيب البلد وادور ع بلد تانيه من الاخر كده مفهاش وجع دماغ
طب يعنى هو ال بيحب بيتخلى كده بمنتهى السهوله ولا هى كلمه بحبك سهله اوى زى ما الهروب سهل كده
يعنى ال بيحب فعلا بيكون متمسك ومستعد يعمل اى شىء الا انه يضحى بحبه
قولى لصحبتك ما تندمشى انها حبته هى ما غلطتشى هى حبت وصبرت واتحملت مشاكل اهله اللى هى اصلا مش مسؤله عنها لكن هو اختار السكه السهله وبدل ما يحافظ ع حبه اشترى دماغه

بصى سومه الحب فيه تنازلات طبعا كونى اضحى بسنين من عمرى ده تنازل عشان استنى اما حبيبى يكون نفسه او يقنع اهله او يحل مشاكله وخلافه
انما عشان اتنازل لازم اكون شايفه ال قدامى يستحق ده وجدير بالحب ده ولو ف لحظه حسيت ع** كده فعمرى ما هكون ندمانه ابدا انى حبيت واتنازلت لكن مش هضحى بعدها بيوم واحد من عمرى ولا ساعه واحده معاه
اما كونى بتنازل عن الماديات والشبكه فدى امور مش مهمه بس للى يستحقها وحطى مليون خط تحت كلمه ال يستحقها لانى مش كل حد يستحق ده
قولى لصحبتك عوض ربنا موجود وقوليلها تطلع من الحاله ال هى فيها دى باسرع ما يمكن عشان حرام تضيع من عمرها سنين معاه وسنين تانيه بعذاب هروبه وندم على انها حبته خليها ت**ب بكره ع الاقل بكره من غيره مضمون اكتر منه

__________________

__________________

شكرا ليكي يا دنيتي وللمسة احساس شكرا جدا علي نصائحكم المفيده
ســـــــــــــــــــومـــــــــــــا

الشكر ليكى سوما على مشاركتك لينا تجربه صديقتك واسمحلنا نكمل معاكى متباعه باقى الاراء
"دنيتى "
ف انتظار اراءكم

__________________

__________________

شكرا جدا للفتاه الخياليه بجد كلامك بيرفع الروح المعنويه جدا ويفرح ربنا يكرمك مرة تانيه شكرا ليكي
ســــــــــــــــــــــــــومـــــــــــــــــــــ ـــــا