ايجى كراك والنجـوم وهـواك .. برنامج جديد لآسامه منير وخاص بينا

زهرة مصر الرقيق · 2008-10-06, 08:17 PM

|| ايجى كراك

والنجـوم وهـواك ||

دهـ برنامج جديد .. كان بيحضره

المُذيع المُتألق .. اُس اُس

احم .. احم

اسامه منير

بس احنـا حبينا نلحقه قبله

وطبعاً ده انفراد خاص ل ايجى كراك

يعنى حقوق الملكيه لينا وبس

.. البرنامج هيفضل شغال ع طول

" برعايه "

شغاااااال يونيفيرسال

والمفروض اننا هنخلى كُل فتره

حد هيمسك المايك ويستقبل

اسئله الجمـهور الخاصه بالحب

طبعاً .. سواء تخصه او لا

المُهم اننا هنشوف اُسامه منير

ايجى كراك ..

هيعمـل ايه ؟!!

.. ايه رأيكم فى الفكرة ؟؟!!

ahmed jongar · 2008-10-06, 08:39 PM

فكره روعه
شكرا زهره مصر
موضوع جديد ومثير جدا
وانا تحت امركم ممكن اكون اسامه منير
ههههههههههههههههههههه
طبعا مفيش زي اسامه ربنا يديله الصحه انا بتابعه
بس للاسف مش علي طول لظروف كتير منهم الشغل والكليه

زهرة مصر الرقيق · 2008-10-06, 09:17 PM

منور يا احمد المووضوع بجد

وعايزة بقى اشوف رأى باقى الاعضاء

عشان بأذن الله لو عجبكم نبدأ الموضوع

ونشوف مين اسامه منير الحلقه الاولى

وع فكرة تحضر نفسك بقى

عشان شووور جداً هتبقى اسامه منير

يعنى لازم ولابد ان كلنا هنكون ماسكين المايك

يللا تيك كير

ahmed jongar · 2008-10-06, 09:51 PM

ايه ده بقي
انا اتدبست ولا ايهـ
هههههههههههـ
انا تحت امركم
بس نشوف
مين اللي جاي

sad smile · 2008-10-06, 10:41 PM

احم احم .. انا جيت

الاول ازيك يا اسامة .. قصدي يا احمد

انا بكلمك النهاردة عشان احكيلك حاجة جوايا وعايزاك تنصحني اعمل ايه عشان اتخلص منها

ولو حد من المستمعين برضه عنده حل يا ريت يبقى يقولي عليه

الحكاية اني رومانسية زيادة عن اللزوم وعايشة دايما في عالم من خيالي .. بحب بطريقتي

بفكر برضه بطريقتي ..بتخيل رد فعل الناس على تفكيري انا وبرجع اتصدم انه مش هو ده

الرد اللي كنت مستنياه وده بيسببلي ازمة اوي وبفضل بعدها وقت كبير اوي متأزمة لحد ما

ما اعرف اخرج من الحالة دي وخصوصا اني حساسة اوي وبزعل من اقل حاجة

حتى رومانسيتي الزيادة دي تقريبا هي سبب فشل حبي ..لاني بحب اوي وبطريقة رومانسية

باحتة بعيدة عن اي واقع ..وببقى مستنية من اللي بحبه نفس المعاملة وللاسف مش بلاقيها

عرفت ان الرومانسية الزيادة دي مش صح ومش هتنفع دلوقتي وعرفت ده بصراحة بعد كتير

بعد ما اخدت درس صعب جدااا ..لا هو في الحقيقة مش يعتبر درس هو درووس ..من كل الناس

من اللي حبيته ومن صاحبتي ومن زمايلي في الكلية .. يعني كله تقريبا

وبعد ما عرفت واقتنعت اني مش هعرف اعيش كدة لان محدش هيقدر يفهم ده ولا يقدره حاولت

اتغير وكان في مواقف بحاول اتصرف فيها بجدية اوي ..مش هنكر انا في مواقف رد فعلي اتغير فيها

عن الاول بس برضه حاسة نفسي لسة رومانسية من جوايا ..عارفة انك هتقولي الرومانسية مش عيب

بس رومانسيتي دي وقعتني في مواقف صعبة اوي وجرحتني كتير ..

انا عايزة اتخلص منها عشان مش اتوجع تاني بس برضه بحبها ومش عارفة انا ممكن اعيش من غير رومانسيتي

دي ازاي ولا حتى العالم بتاعي اللي انا عايشة فيه .. مش هقدر ابقى زي الناس كدة اكدب وانافق واجرح

معلش طولت عليك وعلى المستمعين ... ياريت تقولي ممكن اعمل ايه

زهرة مصر الرقيق · 2008-10-06, 10:51 PM

تمــام جداً .. كدا سـاد سمايل

حسمت الموقف .. احمد .. هو اُسامه منير الحلقه الاولى

واستقبال الاسئله بدأ اهو

ومعانا اتصال ونقول الو .. ؟؟

احم احم .. سـاد سمايل فى الاتصال

والاجابه مع استاذ اسامه منير

اقصد احمد

وهرد انا كمان لانى جمهور الحلقه اهو

زهرة مصر الرقيق · 2008-10-06, 10:52 PM

اســـامه منير

منتظرين تواجدك

يللا هل علينا

ahmed jongar · 2008-10-06, 10:54 PM

احم احم
بسم الله الرحمن الرحيم
وبدون تفكير فيما ساقول
الكلام المنطقي اللي لازم تعمليه
تحكمي عققلك قبل قلبك
واكيد مش هتغلطي
لان القلب والعقل اكيد هيخلوكي تعملي الصح
لان مشكله القلب بس مع الرومانسيه
بنشوف كل الناس بعين واحده بس
وهيه العين الطيبه
ونشوف وجه واحد منهم اللي احنا عايزينه بس
وهوه
الوجه الطيب الرومانسي
بغض النظر عن الوجه الاخر
وبعدين بنرجع نتصدم في اول تحدي
ونقول اننا مش غلطانين
بس فالحقيقه الغلطه مننا فالاول
اننا مخترناش صح الانسان الصح
بسبب الرومانسيه فقط
بس مش هقولك متبقيش رومانسيه
لا كوني رومانسيه زي ما انتي عايزه بس حكمي عقلك قبل قلبك
وقبلهم عينك من غير رومانسيه
واكيد هتعيشي سعيده
يا رب اكون قدرت افيدك
واخر كلامي سلامي
هههههههه

زهرة مصر الرقيق · 2008-10-06, 11:02 PM

اتصال كمان جااى اهو فى السريع

بص يا اُس اُس

انا ممكن ارد كمان ع ساد سمايل فى الموضوع

ساد ممكن الواحد يحس انه بسبب صفه فيه

ممكن يحصله مشاكل كتيره بس هقولك حاجه

صعب اوى تحذفى صفه فيكى طالما كويسه

لان مينفعش مثلا اكون قلبى طيب

وأحاول اكره لا واحاول اتسبب فى كدا

صعب .. لكن زى ما احمد قال

احنا ممكن نحكم عقولنا فى تصرفاتنا

فى مواقف الحياه اللى بناقبلها

ده المهم .. كمان حاجه

متندميش ع حاجه حصلت بسبب

طيبه منك .. لان اللى يتندم عليه

الشر والقلب اللى بيكره الخيررر

لكن الخير عمر ما نندم عليه

حتى لو كان بسببه مشاكل لينا

sad smile · 2008-10-06, 11:07 PM

الووووووووو .. معلش يا اس اس انا اتصلت تاني عشان اشكرك

واشكر الاخت زهرة اللي اتصلت بعدي .. مرسي اوي على ارائكم

وبجد انا بحاول وادعولي ربنا يقدرني ويبعد عني الناس الوحشة بقى

عايزة اقابل حد كويس

ahmed jongar · 2008-10-06, 11:10 PM

اتصال مباشر من اسامه منير
ههههههههههه
طبعا زي ما احدي المسؤلين علي نجوم اف ام قالت
وكلامها صح ميه فالنيه
لان اسامه ممكن يحس الناس اللي بتحب
بس مبيعرفش يحب
ودي مشكلته
ههههه
تحياتي لكل المستمعين
اسامه منير
.....
للتوضيح فقط
اقصد باسامه هنا انا يعني
انما يا ريتني زي اسامه الحقيقي
بس الحمد لله علي كل حال

زهرة مصر الرقيق · 2008-10-06, 11:13 PM

اسامه منير

تؤتؤتتؤتؤتؤتتؤتؤتؤ

مظنش انه ممكن يكون اُس اُس كدا

ممكن يكون اسامه ايجى كراك اه

ولا ايه يا مستمعين

ع العمـوم اعملوا فاصل بأغنيه

عشان المُستمعين نفسهم يسمعوا

اغنيه .. بطمنك لشيرين

واحم انتظر اتصالات كتيره جاييييه

BLUE-MOON · 2008-10-06, 11:27 PM

الو
السلام عليكم يا اسامة
عامل ايه

يا رب تكون بخير ؟؟

معاك جو

بص يا سمسم
لو سمحتلى اقولك كده يعنى

انا عندى مشكلة كبيرة جدا

انى ما بعرفش اسامح ..
مع ان الناس اللى حواليا بيقولو عنى انى طيب جدا و خجول
بس لما حد بيجرحنى
ما بقدرش انسى الجرح بسهولة
و اللى اكتر من كده انى ما اقدرش اخبى غضبى من شخص ما
يعنى لو زعلان منك
مقدرش اكلمك ولا حتى المجاملة العادية
حتى السلام
ما اقدرش اسلم على حد اكرهه او حتى مخاصمه
لان السلام عندى له معنى اكبر من مجرد مصافحة
السلام عندى يعنى ان مفيش حاجة بينى و بين الانسان ده
و ان لما امدله ايدى
يعنى اديته الامان
و انا مقدرش اكون منافق و بوشين
ربنا خلقنى زى السيف
يا ابيض يا اسود
الرمادى ده معرفوش
...........

و ده خسرنى صحاب كتير
او على الاقل كنت فاكرهم كده
تفتكر المشكلة عندى ولا عند الآخرين

.............

ملكة المنتدى المتوجة بدون منازع
" زهرة مصر الرقيقة "
فكرة البرنامج فكرة المعية ممتازة
و ليست بغريبة على شخصكم
دمتى

و الخير فى ركابك

ahmed jongar · 2008-10-07, 01:21 AM

السلام عليكم ورحمه الله وبركاته
هاي جو
طبعا انته متعرفش اني زيك
نفس المواصفات تقريبا
بس الفرق اللي بيني وبينك
اني بسامح لاني عارف ان ربنا بيسامح
وان اللي بيسامح له اجر عند ربنا
فانا بختار وبرجح الحل الوسط
يعني اني بقول للي مزعلني
انا زعلان منك علشان كذا كذا
ومش بتحرج ولو كلمني اي كلام بلا معني
او تهرب منه ففي هذه اللحظه يبقي مش صديق الا الابد
وحل ليا موف مع صديق لي من الصغر الي سن ثالثه ثانوي
يعني يعتبر اخ فلما بدا يبيع بدا واحده واحده وكنت بسامح بس بقول اللي مزعلني
وبلاش كده وكان بيقول اسف وكلام من ده
بس لما لعب لعبه كبيره عليا وباع اوىىىىىىى
قررت ابيع لان مينفعش اشتري اللي يبيعني
واقل من ثانيه كنت قررت اقاطعه لمده سنه
ولما امي صديقي الاوحد وهي لي امي ايضا واجهتني به لكي اصالحه
قولت جمله واحده امام لحاضريين
انا عمري ما هكلمك زي الاول هتبقي قدام الناس صاحبي
ومش هكلمك ولا هثق فيك زي الاول
وبيقت معاه سلام سلام
يا رب تكون فكرتي وصلت
ان التسامح شئ جميل بس بعد ما تعزز كبريائك
بتجريح الاخر بالمواجه الصريحه ده لو عنده دم
وشكرا لك
ولك الاختيار بين خساره الناس باستمرار
او المسامحه مع المواجهه .
دمت بكل حب ورحمه .
اس اس
هههه

malk adam · 2008-10-07, 05:17 AM

فى الاول انا بشكر طبعا زهرة مصر الرقيق على البرنامج الرائع دة
وعايزة اقول ل....احمد انا عكسك انت وبلومون ....انا مبعرفش ازعل من حد مهما عمل برجع وبسامح والمشكله ان انا للاسف مش شيفه دا حاجه وحشه فانا عيزة اعرف دا صح ولا غلط .
يالا رد يا اسامه