عاوز تنســـــــــــى جرحـــــــــــك..؟ تعالى معايــــــــا..

كلمة حب · 2008-11-08, 01:27 AM

السلام عليكم ورحمة الله وبركاتة

هل الحب الاول عطل حياتك؟

كل انسان منا مر بالحب الاول وبعضنا بل الاغلبية منا ضاع منه اول حب فى حياتة وكان الجرح هو قدرة فالبعض كانت الظروف هى سبب الفراق واخرين اتخدعو وفكرو غلط من الاول وفية مننا طبعا اللى اتكدب علية واسباب كتيير .. ولكـــــــــن . هذا لا يعنى الضياع لنا وليس معنى هذا ان الحب الاول عطل حياتنا بل بالعكس يكون هذا الحب او الجرح سبب فى نجحنا وتفوقنا فى كثير من الاشياء لان لما الانسان يتجرح بتحول لانسان جديد وهو مش واخد بالة وافكارة تتغير طبعا بيكون لاحسن .بعضنا تصل بة الدرجة اللى العند فيصل بية الحال انة يعاند اللى كان بيحبة وياخد عهد على نفسة انة لازم ينجح فى حياتة وينساة والبعض الاخر بيقول اية اللى انا عملتة دا كان تفكيرى مش صحيح لما اختارت الانسان دا ..وفجاءة ..بنلاقى نفسنا اتحولنا لشخص تانى وتفكير تانى وبيكون تفكرنا احسن واخدنا تجربة وعمرنا مبنكرر الغلط مرة تانية وبنتعلم من تجربنا طبعا ونفكر فى عيوبنا ونحاول بقدر الامكان نغيرها وفية منا اللى مش بيقدر ينسى بسهولة حبة الاول وانة اتجرح من انسان كان فاكرة كل حياتة وعلشان نقدر ننسى او نحاول ننسى الجرح دا تعالو نعمل كدا ..

اولا توقف عن الاتصال بحبيبك السابق وحتى لو صعب ومش قادرين هنحاول ونقدر ( اشغل نفسك فى اى حاجة )

2- لا تتحالف معه علشان متعدش الكره مرة تانية وترجع تندم طبعا..

3-استرجع فى ذهنك اية اللى حصل بينك وبينة وهو عمل فيك اية كان سبب انكو سبتو بعض.

4-افتكر اللى مكنتش راضى عنة فية يعنى ( اى حاجة مكنتش بتعجبك فية).

5-المشاكل اللى كانت بينكو وجاتلكو بسبب بعض ..

6-كن على يقين تماما انة مش اخر حب وان ربنا هيعوضك عن اللى عملة معاك وانك بكرة تلاقى اللى يستاهل حبك ويقدرة ..

7-اسال عن تجارب اصحابك واخواتك وزمايلك وجيرانك هتلاقيهم كانو بيعانو زيك بلظبط من جرح بردة وبسهولة نسيو وتخلصو منها بمرور الوقت..

8- اشغل وقتك فى اى حاجة تنجح فيها ومتحاولش تقرب من الحجات اللى كانت بتفكرك بية..

وخليك اولا واخيرا مع ربنا و تاكد انة هيعوضك ويديك اللى يستاهل حبك ..

وفى النهاية طبعا احب اقول ان اهم شىء فى التجربة اللى فاتت اننا هنتعلم منها وعمرنا مهنكررها تانى وحتى لو قبلنا شخص بيحبنا هنفكر كتتير الاول قبل منرتبط بية ..ودا اللى لازم يحصل

اخواتى واحبابى يا ريت يكون كلامى مديقش حد ومزعلش اى حد ومجرحش حد واتمنى ان ميكونش قدر اى حد مننا الفراق او الجرح .. وصدقونى والله مجربة الجرح مرتين والحمد لله فى المرتين استفادت حجات كتيرة وكفاية انى اتغيرت للاحسن بكتير وكانو المرتين سر نجاحى بجد والله سبحان الله

ولنبلونكم بشىء من الخوف والجوع ونقص من الاموال والانفس والثمرات وبشر الصابرين الذين اذا اصابتهم مصيبة قالو انا لله وانا الية راجعون اؤلئك عليهم صلوات من ربهم ورحمة واؤلئك هم المهتدون...

اصبرو وقولو الحمد لله تجدو كثير ...

سامحونى اذا صدرت اى كلمة منى زعلت حد او دايقت حد ولانى طولت فى كلامى معاكم بس علشان يعلم ربنا انى بحبكم اوى اوى ..

كلمة حب · 2008-11-08, 01:36 AM

اذا اردت شىء بشدة فاطلق سراحة فان عاد اليك فهو ملك لك للنهاية.... وان لم يعد فهو ليس لك من البداية...

لمسة احساس · 2008-11-08, 01:21 PM

اقتباس:

اذا اردت شىء بشدة فاطلق سراحة فان عاد اليك فهو ملك لك للنهاية.... وان لم يعد فهو ليس لك من البداية...

اتفق معك تماما

وهذا هو مختصر القول

تحياتى لك

دنيتى حلم ف زمن المستحيل · 2008-11-08, 01:38 PM

كلمه حب
بحييكى ع وجودك بينا
هو فعلا الحب الاول لو كان مصيره الفشل بياخد كتير اوى من عمرنا وبياخد اكتر عشان نقدر ننساه
وده لانى كل حاجه جوانا بتبقى فيه بريئه اوى
سواء حبيتى اوى او اخلصتى اوى وحتى لما بتنجرحى فبتنجرحى اوى
عشان كده فعلا بياخد وقت طويل بس فعلا بيعلمنا اوى اوى
ورب من ضاره نافعه
وف حاله لو نجح فببتتغير معاه الحياه وطبعا بتكون احلى لانى جميل اوى تحبى حد وتكبرى معاه
وتعيشوا كل مراحل حياتكم سوا
وف الاخر نبرجع ونقول ان ربنا دايما بيختارلنا الاصح بس احنا ع بال ما بنستوعب ده بيكون فات وقت طويل اوى

جميلة · 2008-11-08, 06:43 PM

كلمة حب عجزت عن الكلام بصراحة
موضوع في منتهي الروعة
وفعلا لخصت الموضوع كله في نقاط مهة اووي
تقبل مروري
جميلة

malk adam · 2008-11-08, 09:44 PM

الموضوع حلو اوى
بس للاسف مجرد الكلام عن الجرح دا فى حد ذاته مؤلم اوى
وياريت كل المجروحين يشوفوا الموضوع والنصائح بتاعتك ويقدروا ينسوا
يارررررررررررررررررب
ومينسوش قبل كل ده يرموا حمولهم على ربنا واكيد مش هيخزلهم ابدا
ارجوا تقبل مرورى.

soma sasa · 2008-11-09, 03:52 PM

بارك الله فيكي يا كلمه حب بجد موضوعك رائع
بس بجد حبي الاول دمرني حياتي وخلاني معنديش امل في الدنيا كلها بس برجع واقول ربنا كبير وان شاء الله هيعوضني بكل خير ربـــــــــــنـــــــــــــا كــــــــــــــــبـــــــــــــيــــــــــــر

كلمة حب · 2008-11-09, 05:01 PM

لمسة احساس شكرا لمرورك حاجة تسعدنى جدا انى الاقى رد ليكى فى موضوعى

لانى بجد فعلا بحب وجودك اوى وكلامك الرقيق ذو الاحساس العالى ميرسى خالص ليكى..

كلمة حب · 2008-11-09, 05:12 PM

دنيتى .. شكرا لردك السريع على الموضوع وكلامك الجميل جدا المقنع ويا ريت تتقبلى مشاركتى فى القسم دا

وبجد قسم جميل جدا ومفيد وهيساعد ناس كتيرة جدا فى حياتهم ..

كلمة حب · 2008-11-09, 05:14 PM

جميلة

بجد من غير مجاملة اسم على مسمى فعلا جميلة انتى وكلامك الرقيق وششكرا على مجاملتك الرقيقة جدا

مرورك مقبول بلا شك... شكرا ليكى

كلمة حب · 2008-11-09, 05:18 PM

ملك ادم

صديقتى العزيزة .. ياااااااااااااارب انهم ياخدو بالنصائح دى فعلا وصدقينى من اصعب الاشياء الجرح انما سهل جدا نسيانة وتحويلة لنقطة نجاح بس بعد التوكل على ربنا ونقول الحمد لله ونبدا صفحة جديدة وكلامى والله عن تجربة ..
شكرا ليكى ومرورك مقبول بلا شك..

كلمة حب · 2008-11-09, 05:26 PM

soma sasa

لو معندكيش امل فى الدنيا فخلى عندك امل كبير فى ربنا لانة اكيد ربنا هيعوضك واللهى عن الجرح دا وهتقدرى تنسية بس حاولى انك تشغلى نفسك فى اى مصدر يكون سبب نجاحك فى اىحاجة وحولى الجرح دا لامل وسر نجاح فى الدنيا وزى مقلت فى ناس كتيرة بتحول جرحها لعند وتضع هدف فى دماغها لابد من تحقيقة وهو النجاح فى اى شىء .. واولا واخيرا كونى على يقين تام بان الله سيعوضك تعويض كبير عن هذا الجرح وقولى الحمد لله... وبجد انا قلتها وفعلا المرتين اللى اتجرحت فيهم كانو سر نجاحى وتغيرى للاحسن ويكفى اننا مش هنكرر الغلط مرة اخرى..

شكرا ليكى ولمرورك المقبول بلا شك..

دنيتى حلم ف زمن المستحيل · 2008-11-09, 10:10 PM

كلمه حب
شرفتى حبيبتى القسم ومبسوطه كتير انى القسم عاجبك وبتمنى اشوف مشاركاتك وتواجدك باستمرار

كلمة حب · 2008-11-09, 11:11 PM

دنيتى
ميرسى خالص لمجالتك الرقيقة اللى زى العسل
زيك .. وباذن الله انتظرى مشاركتى فى كل المواضيع
ومرة تانية شكرا ليكى بجد يا جميل..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)