 |
 |
 |
 |
 |
 |
 |
 |
 |
|
|
|||||||
| دنـــ ،، ـــيـــ ،، ـــتـ ،، ـــى |
 |
|
|
أدوات الموضوع | انواع عرض الموضوع |
2008-11-15, 10:00 PM
|
#1 | |||||||
|
مشـرفـة مدينة الحب والرومانسيـة 
|
الكلام هيخنقني
ازيكم ... انا كنت بحاول انام بس ما عرفتش ..حاسة ان الكلام جوايا هيخنقني قومت وفتحت الصفحة وقولت اكتب ,, احسن ما يجرالي حاجة كل مرة كنت بسامح فيها اي حد بيظلمني او بيجرحني او يكدب عليا كنت ببقى مرتاحة وبقول ربنا هيجبلي حقي ..وكنت بسيبها ل ربنا النهاردة عندي احساس غريب اني ضعيفة ..ومش عارفة اخد حقي كل المواقف دي جات على بالي وحسيت ان رد فعلي ده كان ضعف مش تسامح .. مس عارفة ليه الاحساس ده جالي عايزة احكيلكم شوية .. مرة وباعتني صاحبتي عشان نفسها وسامحتها مرة تانية اصحابي قربوا مني عشان مصلحة ولما خلصت قالولي سلاااام ,قولت مش مشكلة الواحد مش بيتعلم بسهولة وربنا هيجازيهم والموقف الاخير ده اتكرر تاني ,, وبرضه سكت وكتييييييير بقى .. وبسكت حاسة اني بجد هتخنق ..حتى انا مش عارفة بعيط على ايه دلوقتي حاسة ان حاجات كتير راحت مني ومش عارفة بتروح ليه .. مش عارفة ليه بيحصل معايا كل ده ..مهو انا لا وحشة اوي عشان اقول ربنا بيجازيني ..ولا برضه الملاك اللي مش بيغلط عشان اقول ربنا بيختبرني .. والمصيبة ان مشكلتي مش مثلا فشل في حب او عاطفة يعني ,المشكلة عندي في كله كل حاجة في الدنيا عندي فيها مشكلة او مشاكل مش عارفة ليه بسامح او بمعنى اصح بتنازل عن حقي ولا عارفة المفروض اعمل ايه عشان ما احسش بالاحساس ده .. عايزة اتكلم تاني بس مش عارفة اقول ايه ..بس حاسة اني لو قفلت هيجرالي حاجة
__________________
|
|||||||
|
|
|
2008-11-15, 10:22 PM
|
#2 | |||||
 
|
رد: الكلام هيخنقني
ان شاء الله تكونى صح
وربنا يعوضك خير عن كل خير عملتيه بامانه انا حاسه بيكى وعايزه اقولك اوعى تندمى عن اى حاجه عملتيها او تزعلى انك كنتى بتسامحى بس عيزه اقولك نصيحه وياريت تاخدى بيها ابدئى مع نفسك من جديد واقفى واقفه جد فى حياتك وقبل متعملى حاجه ارجعى لربنا وبعدها اعملى الى يوصلك ليه قلبك وعقلك الاتنين مع بعض انا عارفه انها معادله صعبه بس صدقينى لو نويتى وعملتى الى عليكى وسبتى الباقى على ربنا عمره مهيخزلك . اتوكلى على الله وانسى البشر وخليكى بين ايد ربنا وبس جربى وصدقينى والله مهتندمى باذن الله . اسفه انى طولت فى الكلام وان باذن الله ربنا يفك كربك تقبلى مرورى .
__________________
حنين الروح |
|||||
|
|
|
|
2008-11-15, 10:32 PM
|
#3 | |||||||
|
مشـرفـة مدينة الحب والرومانسيـة
|
رد: الكلام هيخنقني
مرسي يا ملك على ردك .. وطبعا عارفة انتي تقصدي ايه بس انا خلاص مش عايزة حلول .. عشان محدش جرب اللي انا جربته وعارفة ان مفيش حل هينفع تاني خلاص انا نفسي مش عايزة اسمع حلول لاني فقدت الامل في اي حل انا بس كنت هتجن لو مكنتش كتبت الكلام ده
__________________
|
|||||||
|
|
|
|
2008-11-15, 10:54 PM
|
#4 | |||||
|
عضـو موقـوف
|
رد: الكلام هيخنقني
ساد
اسمحيلي اتكلم معاكي التسامح ده خير ربنا حته فيكي او تزعلي علي انك سامحتي حد في يوم وتاكدي ديما ان ربنا موجود مش بس بيجازينا علي الناس الي بنسامحهم ده كمان بيجزينا علي النيه الطيبه وانتي كلك طيبه وكلك خير اوعي تزعلي من ده ابدا اما الصاحب الي بيعرفوا حد علشان المصلحه ده مش يستاهل كلمه اصحاب الكلمه دي معناها كبير اوي هما مش يستهلوها وعمر محد بيحب بجد بيقدر يسيب الي بيحبه والله لو ايه ممكن بس هما شافوكي كبير عليهم حبوا يبعدوا لانهم قليلين عليكي واكيد في يوم كان ده هيظهر انتي زعلانه انك بتسامحي الناس يا شيخه حرام عليكي ده عايش ادعي ربنا حد معين يسامحني يما نفسي يتعدي منك مره واحد بس متزعليش من ده يا ساد ده خير ربنا وضعه جواكي وافتكري ديما ان ربنا موجود تحياتي |
|||||
|
|
|
|
2008-11-15, 10:58 PM
|
#5 | |||||||
|
مشـرفـة مدينة الحب والرومانسيـة
|
رد: الكلام هيخنقني
لا زعلانة من ده ..وحاسة اني خلاص مش قادرة اتحمل اكتر من كدة عايزة ابقى زي باقي الناس .. مرة اسامح ومرة ازعل ومرة اخد حقي ومرة اعرف مش اجي على نفسي عشان مش ازعل حد زهقت من كتر الطيبة اللي بتقول عليها دي ..انا مبقتش قادرة اتحملها
__________________
|
|||||||
|
|
|
|
2008-11-15, 11:47 PM
|
#6 | |||||
|
عضـو موقـوف
|
رد: الكلام هيخنقني
لا يا ساد انتي مش ليكي حق تزعلي عايزه تبقي انهي ناس مانتي في افضل الناس تاخدي حققك انتي اكيد اختي حققك من اي حد ظلمك اكيد ربنا اخدهولك جربي كده تسالي علي حد ظلمك قبل كده شوفي في حاجه حصلتله انا متاكد انك هتلاقي ربنا اخد او لسه بياخد حففك ربنا مش بيسيب الظالم ابدا جربي بنفسك لو مش لقيتي كلامي صح ابقي قولي انك زعلانه من ده |
|||||
|
|
|
|
2008-11-16, 11:22 AM
|
#7 | ||||||
|
مشـرفـة قسـم الحوار والنقاش و تجربتى 
|
رد: الكلام هيخنقني
ساد
انا مش هديكى حل ولا هنصحك انا هكلمك كاخت والله يا ساد ال انت بتحكيه ده انا مريت بيه وعشته وكنت زيك كده بسامح على كل شىء وبسامح اى حد مهما عمل فيه لحد ما اتغيرت وبقيت مش قادره اعمل ده عاطل ع باطل بسامح بس مش اى حد ومش على اى شىء وبعمل دايماال يريحنى وتكون رده فعلى زى ماالمفروض تكون لانى خليت الطيبه دى ع جمب خالص بتاعمل بيها بس مع ال بحس انه يستهلها ومش بظهر ده من اول التعامل لاء بالعكس بعد اكتر من موقف صدقينى هيجى عليكى يوم هتكونى قادره تحطى حد للتسامح وع فكره ده مش عيب ولا حرام لانك مش هتكونى وقتها بتاذى حد بالعكس هتكونى بتحافظى ع نفسك من انك تظلميها مع ناس ما تستاهلشى الطيبه الزايده اوى دى صدقينى هتتعلمى بس عشان تتعلمى لازم تتالمى الاول حقيقى والله حاسه بيكى اوى بس برجوكى ما تقسيش ع نفسك ولا تزعلى منها اوى كده عامليها زى الطفل الصغير ال كل ما بيكبر بيتعلم وببيصحح من نفسه ومن اخطائه وانتى ف يوم هتكونى زى مانتى حابه انك تكونى طمنينى عليكى
__________________
M
 M |
||||||
|
|
|
|
2008-11-16, 04:40 PM
|
#8 | ||||||||
|
مشـرفـة مدينة الحب والرومانسيـة
|
رد: الكلام هيخنقني
اقتباس:
وبعدين انا مش هرتاح يعني لو كانوا بيتألموا ولا لو كانوا بيدفعوا التمن انا مش عايزة ده ..انا يمكن لو لقيتهم كدة ازعل زيادة لاني في يوم حبيتهم واكيد مش هستحمل فيهم اي وجع ويمكن احس بالذنب لانه بيتوجعوا بسببي انا بس كل اللي عايزاه اني ارتاح من جوايا , احس اني مش مظلومة ولا اتنازلت عن حقي ..مجرد احساس بالرضا من جوه .. مش عايزة اكتر من كدة
__________________
|
||||||||
|
|
|
|
2008-11-16, 04:43 PM
|
#9 | ||||||||
|
مشـرفـة مدينة الحب والرومانسيـة
|
رد: الكلام هيخنقني
اقتباس:
وكمان حسيت ان في امل اني اتغير واكيد مش هفضل اتعذب بطيبتي كدة على طول .. وعندك حق الطيبة دي مش لازم استعملها مع اي حد ..مع اللي يستاهلها بس لكن المشكلة هو مين اللي يستاهلها ,, ما بقتش عارفة اذا كان في حد يستاهلها اصلا ولا لأ
__________________
|
||||||||
|
|
|
|
2008-11-17, 11:07 AM
|
#10 | ||||||
|
مشـرفـة قسـم الحوار والنقاش و تجربتى
|
رد: الكلام هيخنقني
صدقيني ساد هتلاقى ناس تتساهل ف الدنيا انك تعامليها بطيبه
لو الدنيا ما فهاش خير كان ربنا طواها من وقت مانعدم فيها الخير والناس الطيبه معاكى انى الناس دى بقت قليله اوى وسط كتير اوى نفوسهم مريضه وغير سويه لكن لسه فيه ناس تستحق ده بس الفكره كلها انك تكون عندك القدره انك تعرفى تميزيهم وتكونى دايما ع يقين انى مش كل ال بيلمع لازم يكون دهب صدقينى انا مش بريحك وبس انا بقللك الحقيقه واكبر دليل وجودك انتى اهوه بقلبك الطيب وطيبتك ال تعباكى ومسبباللك كل الالم ده وما تنسيش انى رسولنا قال الخير فى وف امتى الى يوم الدين
__________________
M
M |
||||||
|
|
|
|
2008-11-20, 08:01 AM
|
#11 | ||||||
 
|
رد: الكلام هيخنقني
sad smile
اعتذر على ردى المتاخر اولاً بس صدقينى بجد لو ااقولك ان اللى انتى بتحكى عنه ده اغلبنا مرينا بيه وانا واحد من الناس اللى مر بحاجات زى ديه كتير وكتير اوى كمان وكنت فى كل مرة ااقول يمكن اجمل يوم فى عمرى لسه ماجاش وكانت بتيجى على ايام ولحظات ااقول خلاص هوة ده اجمل يوم فى عمرى اللى كنت مستنيه وارجع تانى الاقى انه لسه مش هوة ده وانه برضوة لسه ماجاش وارجع استناه تانى وتالت ورابع ولسه مايئستش ومستنيه بصى يا ساد بجد فى حاجات كتير اوى مش بنشوف حقيقتها ولا نعرف المقصود منها الا لما تضيع مننا او نبعد عنها بجد ساعتها بنعرف ايه المقصود من اللى حصل ده ودايماً ربنا مش بيختار لينا الا اللى فيه مصلحه لينا والخير بس بجد الانسان مش بيعرف ده الا بعد ما تنتهى المشكلة وبعد كده ربنا بيقوله تعالى اعرفك بقى اللى حصل ده مصلحتك فيه ايه واكبر دليل على كده سورة الكهف لو قريتى تفسيرها هتلاقى ان سيدنا موسى لما خرج مع سيدنا الخضر لاقاه بيعمل حاجات ظاهره الشر وباطنها الخير جداً لما لاقاه بيثقب السفينه اللى اصحابها اخدهم عليها وبعد كده لاقاه بيقتل طفل صغير ماعملش اى حاجة وبعد كده لاقاه بيبنى سور لناس ماعملوش معاهم اى معروف وبدون اى مقابل سيدنا موسى ماكنش يعرف الحكمه من كل ده ايه لكن لما عرف فهم ان فى حاجات كتير بيكون ظاهره الشر وباطنها الخير ولكن ربنا وحده هوة اللى يعلم انا اسف ان كنت طولت اوى بس بجد لانى حاسس اللى انتى فيه اوى ولانى اكبر منك ومريت بجد باللى انتى فيه ده كتير اوى واوقات كتير كنت ااحاول انى انام ومش اعرف انام من كتر التفكير بجد وكنت ااقوم انفس عن اللى جوايا بالكتابه اكتبى اللى انتى حساه واتكلمى مع اى حد بترتاحى ليه قومى اكتبى واتوى وصلى واشكى لربنا بجد ربنا كبير اوى وبيعمل كل حاجة فيها مصلحتنا قال رسول الله صلى الله عليه وسلم عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له. رواه مسلم . يعنى كل حاجة بجد بتحصل لينا بتكون خير حتى وان كان ظاهرها شر واخيراً قولى الدعاء ده دايماً فى كل وقت اللهم اجرنى فى مصيبتى وارزقنى خيراً منها وقولى ايضاً اللهم لاسهل الا ما جعلته سهل وانت ان شائت تجعل الحزن سهل ساد سميل اتمنى عن قريب اراكى هابى سميل وابدائى دايماً كل يوم صفحه جديدة وطمنينا عليكى دائماً
__________________
 اللهم لا ملجاء ومنجا منك الا اليك My God Help Me
حاجات كتير فى حياتنا اتسببت فى حيرتنا وادينا عايشين ماشين |
||||||
|
|
|
|
2008-11-21, 01:40 PM
|
#12 | |||||||
|
مشـرفـة مدينة الحب والرومانسيـة
|
رد: الكلام هيخنقني
new page مرسي اوي اوي على كلامك وعلى اهتمامك بالرد يمكن فعلا عندك حق ..احلى يوم في عمري لسة ماجاش انا والله مش زعلانة على اللي حصل , لان فعلا كل مرة كنت بعرف بعدها ان كدة خير وان ربنا عمل كدة عشان احسن ليا المشكلة بس بتبقى وقت المحنة , في الوقت ده الواحد بيبقى موجوع ومش عارف يفكر في اي حاجة ولا يقدر اي حاجة بس بعدها بنعرف ان ربنا كاتب الخير لينا مرسي اوي على ردك وعلى الدعوتين الحلوين دول
__________________
|
|||||||
|
|
|
|
2008-11-22, 08:32 PM
|
#13 | ||||||||||||
|
إداريــة طفلـة تعشـق المطـر 
|
رد: الكلام هيخنقني
سيدتى ها قد وصلت لـ صفحتك الآن سـ أقدم أعتذارى أولاً لـ تأخرى  ولـ نبدأ الحديث ... اقتباس:
اقتباس:
سيدتى لـ نقف على ارضٍ صلبة [مستقرة] دعينا أولاً نعرف ما هو التسامح..؟ التسامح قوهـ لا يُدركها ضعفاء النفوس التسامح أن اترفع عن النزول لـ مستوى متدنى التسامح أن أعفو عندما أقدر ،، لـ ذلك ... دعينا نبتعد عن أحساسك بالضعف لكنك بـ الرغم من شخصيتك الهادئة الحساسة إلا أنك ليست ضعيفة فـ بأمكانك رد الاساءهـ بـ مثلها أو أكثر ولكن يمتعك عن ذلك اعتباراتٍ كثيرهـ وأولها مبادئك وأخلاقك لـ ذلك رجاءٍ لا تصفى تسامحك بـ الضعف وطالما مؤمنة بـ معنى التسامح فـ لا تسمحى للأفكار السلبية أن تسيطر على تفكيرك وتذكرى دائماً أن التسامح سمة النبلاء والتنازل الحقيقى ،، أن أكون عاجزهـ عن أخذ حقى وأستسلم وأسمى هذا تسامح ..! وبشكلٍ شخصى عدما يخطأ أحداً بـ حقى أجعله يشعر بـ ذلك وحينما يأتى لـ يعتذر أوقفه عن الكلام ولا أدعه يقدم اعتذارهـ وأكتفى بـ كلمة واحدهـ [لا داعى للأعتذار..سامحتك] ويكفى سيدتى أن ترى من امامك عاجز حقاً عن الرد ..! حينما تستقبلى اساءته بـ ترفعك الشديد ليس لاجله ولكن احتراماً لـ مبادئك ولـ تلك القوهـ التى ميزك الله بها وهى التسامح والأن ،، لـ ننتقل لـ الجزء الثانى وهو المواقف دعينا نتحدث أولاً عن أصدقائك ومواقفهم معكِ اقتباس:
اقتباس:
سيدتى لن اصدر الأحكام عليها ولن أتحدث عنها كى لا أظلمها أو أغتابها موقفك رائع أن تُسامحيها ولكن ،،، لا تعود لـ مكانها الأول بـ قلبك فـ من يبيع مرهـ ...يبيع ألف ألف مرهـ ..! وهذهـ حكمة علمتها لنا الأيام لا أطلب منكِ مقاطعتها بـ العكس إن أحتاجت لكِ فى شيىء يمكنك القيام بع فـ لا تترددى وصافحيها وتعاملى معها بـ ود ولكن .. لا تضعيها أبداً بـ قائمة من سـ يقفون بـ جانب ساد فى لحظات الضيق ولا تنتظرى منها شيئاً من الأخلاص بـ معنى أدق ،، لن تكون من القربين جداً لـ ساد وبـ ذلك تكون علاقتك بها طيبة ولكن من دون مزيدٍ من الاساءة أو الجروح اقتباس:
سيدتى عندما نمر بـ تجربة فـ ليس المهم أن تنذكرها أو ننساها ولكن الأهم أن نتذكر جيداً ما تعلمناهـ منها ورصيد خبرتك بـ الحياهـ سـ يزداد من تجاربك لـ ذلك لا تدعى أى تجربة مهما كانت مؤلمة أن تمضى دون أن تاخذى منها درسٍ يمنحك معرفة أكثر عن كيفية التعامل مع من حولك حينما مررتى بـ الموقف الأول من اصدقائك وتقربوا منكِ من أجل مصلحتهم فـ هذا الموقف يحسب لكى لانه جديدٍ عليكِ ولم تتعرضى لمثلة من قبل ولكن ،، تكرار الموقف يحسب عليكى وليس لكى لأنك لم تتعلمى جيداً من الموقف الأول وهنا يمكن الخطأ الأكبر كان يجب أن تجعلى ما تعلمتية من الموقف الأولى يقود تصرفك فى الموقف الثانى وسـ أطلب منكِ شيئاً عندما يتعامل معكِ أحدٍ وأنتى لا تعرفيه جيداً أنظرى دائماً بـ عينية فـ بها سـ ينعكس ما بداخله مهما حاول أظهار العكس ..! وأخيراً الصداقة من أهم العلاقات الأنسانية فـ دائماً الصديق يمثل تلك اليد التى تمتد لكِ حينما لا تجدى من حولك سوى [الألم] ونصيحة من قلب همس صديقة واحدهـ مخلصة أغلى من الكون بأكمله فـ أعرفى معدن من حولك وقيمى علاقتك بهم جيداً ولا تجعلى أحدٍ قريب منكِ إلا من يستحق ذلك ،، اقتباس:
الحب لا يكسرنا ..بل يُزيد من قوتنا لـ مواجهة الحياهـ وأى تجربة تؤدى لـ عكس ذلك فـ تأكدى أنها لم تكن الحب ودائماً .. نحن من نخطىء بـ حق أنفسنا حين نمنح قلوبنا لـ من لا يستحق ونثق بـ من يوهبنا الألم والوجع ..! أعرف جيداً أننا لا نملك قلوبنا وأنها ليست بأيدينا ولكن لا تجعلى الحكم المطلق لـ قلبك فى الحب فـ أسمحى لـ عقلك بالتدخل فى الوقت المانسب ومهما كانت براعة من أمامك فى الخداع فـ الله سبحانه وتعالى يجعلنا نرى ما يعتبر تحذير لنا من هذا الشخص ولكننا [نغمض] أعيننا حن لا نصدق ما نراهـ وهنا الخطأ منا نحن .. وهناك مقولة وهى " أذا استطعت أن تخدع الناس بعض الوقت..فلن تستطيع أن تخدعهم كل الوقت" وحين تمنحى قلبك لأنسان أختاريه بـ قلبك ولكن ،، دعى عقلك يبارك هذا الأختيار ولا تتذكرى من تخلى عنكِ وتذكرى فقط أن هناك من ينتظرك وحافظى على قلبك لأجله فقط اقتباس:
سيدتى هونى على روحك فـ هى لا تستحق كل هذا الألم ويكفينا فى هذهـ الحياهـ أن نعرف أن الله سبحانه وتعالى لا بظلم |