مَن هو عبد الرحمن الابنودى .... ؟ - الصفحة 2

ahmed jongar · 2008-11-22, 02:39 PM

الجوهرة المصونة
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلايه الفار

احنا يا فاطنة اللى ما عرفنا قرايه ولا كتابه
غلابة عمر يا فاطمة ما فكرنا فى الدنيا
ولا قولنا جاية منين؟
رايحه على فين؟
غير كلمة ربنا يسترها معانا دنيا واخرة
والاخرة ادى العمر اللى دبل على عوده فى تراب الجبلايه
يا ما لولا حسين العجرش قالى السد
كنت زمان بتعطر واقف واتنفض
وامشى تانى فى الطريق المتسد
السد يا فاطمة فتح عينى على الدنيا
زى ما اكون طلعنى للنور من بير
علمنى كتير ويوماتى بيعلمنى كتير
والباشمهندس طلعت دوما يحكيلى حديته المسحور
دايما يملى الدنيا فى عينى نور
ويخلينى اشوف الحاجة من تانى
يعرف جبلايه الفار زى ما يكون عايش فيها
يعرفها اكتر منى
طول ما احنا فى الشغل يكلمنى
واد عال وامير من اصل وليه ناس
ولو انه قالى فى مرة
يا حراجى سيبك من البدلة
انا بوى زيك راجل صاحب فاس
من تحت عرق رجلية اتعلمت
وحكايه الاستاذ طلعت دى يافاطمة حكاية
طبعا شافنى هو مرة فى مرة فى مرة
فى زرع الدلاميت بشتغل الشغلانه غويها
اجرى من حرصى على عمرى مش خوف
اصلى بقالى مدة هناك بقى كل الخلق تقولى
يا حراجى يا حراجى
وانا كنت كمان عاجب نفسى
امشى مفرود اذا روحت ولاما اجى
وانا نازل مرة من فوق التابة
قالى عاوزك يا حراجى
سيب الشغل اللى وراك وتعالى
روحتله فى المكتب
مكتبه فى الخيمة بره فى الشمش
خادنى من يدى وقعدنى
وسقانى الشاى
طلعت افندى اول افندى فى الدنيا
يا فاطمة يطلبلى واحد شاى
وشربت وهو بيتكلم طبعا هو قال
بس انا فى الوقت ده
انا كنت ضلال فى ضلال
قالى فى الاخر كيف الحال
انا قولتله..... مبسوط
وانتى عارفانى مؤدب لما برد سؤال
هو كان مبسوط منى وانا مش عارف ليه
خدنى ومررنى فى منطقتة
لسه يا فاطمة ساعتها
لا كان سلك ولا انفاق
كنا يادوب بنكسر صخر وبنشيلة
هو كان عندة عدد
وكمان كان فى حواليه عمال
لابسين لبس افندى وحاطين برانيط
كنت انا لسه بشاشه وطقيه
قالى ايه رايك يا حراجى؟
قولتله شغلك صعب وعاوز فهم
قال تيجى معايا اتخبلت يا فاطمة
قولتله لاه
قالى ليه يا حراجى؟
قولت يا طلعت افندى
انا راجل صاحب فاس
انقل حصى
معقول
ازرع دلاميت واجرى
معقول
لكن ابقى وسط افندياتك دول
مش معقول
مش هفهم حاجة
ويمكن ناوى تشغلنى اجيب الشاى للرجاله
قالى يا حراجى دول عمال
عايزك تبقى واحد من دول
وهتبقى
وهتبقى واحد عال
اتبرجلت يا فاطمه
عين فى الجنة وعين فى النار
قولت لنفسى وماله لما تعافر يا اخى
وافرض ما اتعلمتش
انت لازم تعرف انك جيت اسوان
مش قاعد فى الدار
ومتتعلمش ليه ؟
ده انت تتعلم تبقى سيد الكل
بس حكايه فرى المواسير دى
كل يومين هتبوظ منى المواسير
وهتتتنى المسامير
قالى الاستاذ طلعت
الله يخليه لشبابه يارب
ادعيلة يا فاطمة كتير
قالى بس انت انوى
وانا عارفك يا حراجى نبيه
قولت ايه؟
قولتله بلا حج بخيت بلا دلاميت
هاجى معاك
وده بردو اللى خلى يا فاطمة جواباتى تتاخر
لسه يا فاطمة الرحلة طويلة
والايام جايه بس حراجى خلاص
بقى يغوى الايام بيخاف على عمره
زى النسوان لما تعجز
اصل يا فاطمة يا مرتى خلاص فى ايديا
مسكت الخيط وانتى عارفة
النور فى الضلمة له قيمة
حتى لو كان جاى من خرم صغير فى الحيط
الورقة خلصت يا ام عزيزة
وقلبى مليان
ومع الظرف هتستلمى فلوس
بخصوص ناظلة كتر خيرك
هو يا فاطمة فى فى الدنيا واحدة
تفهم رد جميل الناس غيرك
وسلامى لكل الجبلاية
واحدا واحدا

زوجك
لاوسطى حراجى

احنا يا فاطنه لاعرفنا قرايه ولا كتابه..
غلابه
لما عرفت كده يا فاطانى زعلت الزعل الواعر...

عمر يا فاطنه ما فكرنا فى الدنيا...

ولا قلنا جايه منين رايحه على فين؟؟

غير كلمة ربنا يسترها معانا دنيا واخره..

والاخره؟؟

ادى العمر اللى دبل على عوده فى تراب الجبلايه.

يا ما لولا (حسين العكرش) قاللى السد..

كنت زمان باتعتر واقف واتنفّض وامشى تانى

فى طريقى المتسد.

السد يا فاطنه...

فتّح عينى ع الدنيا زى ماكون..

طلعنى للنور من بير.

علمنى كتير..

ويوماتى بيعلمنى كتير.

(والباشلمهندس طلعت) دوما يحكيلى حديته المسحور..

دايما يملى الدنيا ف عينى نور.

ويخلينى اشوف الحاجه من تانى.

يعرف جبلاية الفار..وكانه عايش فيها.

يعرفها اكتر منى.

طول ماحنا فى الشغل بيكلمنى

واد عال وامير..من اصل..

وليه ناس..

ولو انه قاللى ف مره:

(يا حراجى..

سيبك م البدله

انا ابويا زيك راجل صاحب فاس

من تحت عرق رجله اتعلمت..

وحكاية الاستاذ طلعت دى يا فاطنه حكايه..

طبعا شافنى هو ف مره ف زرع الدلاميت..

باشتغل الشغلانه غاويها..

اجرى من حرصى على عمرى..

مش خوف

ولا عمرى اتكفيت

واصله جات مده هناك بقى كل الخلق تقول يا حراجى...

وانا كنت كمان عاجب نفسى..

امشى مفروط اذا رحت او لما اجى.

وانا نازل مره من فوق التبه.جرى ومسكنى

قاللى عاوزك يا حراجى..

سيب الشغل اللى وراك وتعالى.

رحت له ف المكتب..مكتب فى خيمه..بره...

فى الشمش.

خدنى من يّدى وقعّدنى و سقانى الشاى..

(طلعت افندى) اول افندى فى الدنيا يا فاطنه يطلبلى واحد شاى..

وشربت وهو بيتكلم..

طبعا هو قال..

بس انا فى الوقت ده كنت ضلال فى ضلال..

قاللى فى الاخر كيف الحال؟؟

انا قلت له مبسوط..

وانتى عارفانى مؤدب لما ارد سؤال.

هوه كان مبسوط منى انا مش عارف ليه..

خدنى..ومررنى فى منطقته..

لسه يا فاطنه ساعتها لا كان سلك ولا انفاق...

كنا يا دوبك بنكسر صخر وبنشيله..

هو كان عنده عدد..

وكمان كان فى حواليه عمال..

لابسين لبس افندى وحاطين برانيط..

كنت انا لسه بشاشى وطاقيتى.

قاللى ايه رايك يا حراجى...؟

قلت له شغلك صعب وعاوز فهم..

قال تيجى معايا..؟

اتخبلت يا فاطنه قلتله لا...

قال ليه يا حراجى...؟

قلت يا طلعت افندى انا راجل صاحب فاس..

انقل حصى معقول..

ازرع دلاميت واجرى معقول.

لكن ابقى وسط افنديتك دول مش معقول.

مش حافهم حاجه..

وتانى ما منه يمكن ناوى تشغلنى..

اجيب الشاى للرجّال.

قاللى يا حراجى دول عمال..

عايزك تبقى واحد من دول وحتبقى ...

وحتبقى واحد عال..

اتبرجلت يا فاطنه عين فى الجنه وعين فى النار..

قلت لنفسى:

وماله لما تعافر يا اخى..

وافرض ماتعلمتش..

مش عارانت لازم تعرف انك جيت اسوان..

مش قاعد ف الدار..

وما تتعلمشى ليه؟؟..ده انت اتعلمت تبقى سيد الكل.

بس حكاية فرى المواسير دى.

كل يومين حتبوظ منى المواسير وحتّتنى المسامير.

قاللى الاستاذ طلعت...الله يخليه لشبابه يا رب.

ادعى له يا فاطنه كتير..

قاللى بس انت انوى وانا عارفك يا حراجى نبيه..

قلت ايه؟؟

قلت له بلا حاج بخيت بلا دلاميت حاجى معاك...

وده برضه اللى خلى يا فاطنه جواباتى تتاخر.

لسه يا فاطنه الرحله طويله والايام جايه..

بس حراجى خلاص

بقى يغوى الايام..

بيخاف على عمره زى النسوان لما تعجّز..

اصل يا فاطنه يا مرتى ف ايديا مسكت الخيط.

وانتى عارفه..

النور فى الضلمه ليه قيمه..

حتى لو جاى من خرم صغير فى الحيط...

الورقه خلصت يا ام عزيزه..

وقلبى مليان.

ومع المظروف هتستلمى فلوس...
.......................
بخصوص (نظله)كتر خيرك.

وهوه يا فاطنه فىه فى الدنيا واحده بتفهم رد جميل الناس غيرك؟؟

وسلامى لكل الجبلايه واحد...واحد.

زوجك
لوسطى حراجى

اتمني ان اكون قدرت افيدكم

BLUE-MOON · 2008-11-22, 03:05 PM

و بصفتى واحد من عشاق الابنودى

ان لم اكن اكثر من يحبه على وجه الارض

و لقد تشرفت جدا بلقائه

فى اشارة مرور

الطريق كان واقف

و ببص جنبى لقيت استاذنا فى العربية

سلمت عليه

و سبته فى هدوء

...........

و حضرتله الامسة الشعرية فى المنصورة

رجل رائع بجميع المقاييس

صوته و كلامه طالع من جوانا

و انا عن نفسى باسميه

" روح مصر "

و هدية منى للموضوع التحفة ده

اليكم مجموعة من اجمل ما كتب

و شكرا ليك على جوابات جراجى الجط

انا اتفرجت عليها مسرحية

و كان نفسى فيها مكتوبة

ahmed jongar · 2008-11-22, 03:12 PM

طبعا استاذ الاساتذه
عبد الرحمن الابنودي
من اكثر ميزاته
انه مصري اصيل اب عن جد
ولغته وشكله وحركاته وتعبيراته ومواضيعه
كلها مصري 100%
وانا بحبه جدا
وكان بيجي علي دريم 2
وكنت بستني البرنامج بتاعه

وبجد ربنا يزيده
منتظر منك المزيد
بلو مون
وشكرا لتشريفك
ومنتظر عودتك

BLUE-MOON · 2008-11-22, 03:13 PM

"اول ما نبدى القول"

اول ما نـبدى القول نصلى على الــنبى
باحب بلدى و يـسكرنى الغنا و الـناس
و احــب صــوت الــمكن لما يــكون دايــر
و احب قمح السنابل.. و اعشق الدراس
و احب شال الربـيع على كتاف بــستان
و اغوى صريخ النباته.. تحت سن الفاس
و احــب عالم.. و عالم بالـلى ناقــصنى
و اى فكرة صحيحه .. ع الخدود تنبــاس
مدى الخطاوى يا بلدى يا ضحكتى الحرة
مدى الخطاوى يا بلدى و انت شايله الناس

صحت المدينه فى يوم ما لقيتش جناينها
الــقمرى طار منها و غــربانها جانيــينــهـا
السجن خنقه و زنقه البطن يا جــنينــها
قضبانه ســودا و عنــيده بضى صفـــراوى
صفى الغناوى على الاسفلت و انا غاوى
ما اغنى غير وسط عاريينها و حافيينها

و من بعيد القــمــر عــوام بلا شــاطـى
و ما دخلش شباكى ده عالى و ده واطى
هو اللى يعشق عيون بلده يصير خاطى ؟
ده ان كان عشقك يا مصر خطيه و نجاسه
طين النجاسة يا نخااسة.... بلغ باطى

............................
............

" موت خيال المقاته "

يا عم يا صاحب المقات
خيال مقاتك مات.

بتنعق الغربان طول اليوم .
تيجى صفوف من فوق سجرة الدوم

لا بتترك الطايبه ولا النيه
متكول على الله انت و عليا
لحد ما خلص المقات

زغزغ جنابى الريح ما ضحكنيش
هز الخشب و الخيش

ياللى رفعت ايديا للسماوات
ما تهزنى يمكن اكون مسموم

حرستنى غيطك يا شين ما عملت .
يرسى على كتفى الغراب و البوم
يبولو فوق ضهرى

و يحوموا و يغطونى نعق و ريش
و انا باسرخ بس كيف تعرف..؟
صوت الخسب مكتوم ..

سوست و دراعاتى لسه لفوق.
و لسه طربوشى على راسى.

و انت اتكلت على يا شين ما فعلت.
انا مت تحت الموت .

آه لو تبص مكان عينيا لفوق
آهو بالامارة... فى غراب بيحوم
انا و هو .... فى المقات بنبات

استاذنا :

" عبد الرحمن الابنودى "

BLUE-MOON · 2008-11-22, 03:14 PM

التوهه

متقطعه .. طرق السفر و العشق
متقطعه الانفاس يا ليله
ميته تلمى الوش .. فى كمامك ..؟
يا عادله زى الرب .. يا ليله . !!
يا عادله فى الميله .
ميته .. و فين .. تتدبر الليله..
و انا الل جربت الحظوظ و الرزق .!!؟

انقطعوا شباكى على الفاضى
و مشيت اجر الحبل .. و الخيبه
و وقفت فى السوق فاضى
وسط القعاد و القومه ع الفاضى
ترقص فى عينى التوهه

ميته القمر ... ؟ ياللى انكسر رمشى
مرفوع اليه.. فى الدنيا ما بانشى
و الكف يلمسنى . ؟
اصلى .. لروايح التراب فى الدرب
و يميل عليا النخل نفس الميله ..
يا عادله زى الرب ..
يا ليه.. يا فارطانى فى الميله ..
ميته ؟
و فين ؟
تتدبر الليله .. ؟

(1967)

استاذنا : عبد الرحمن الابنودى

BLUE-MOON · 2008-11-22, 03:14 PM

لوحدى ............. ؟؟؟؟؟؟؟؟؟

و امشى لوحدى ع الجسور

طيرة..... هاجه من الطيور

طيرة ..... هربانه بجناحها

هاجه م الطير فى الطابور

اترمى..... ارقص .... و ابكى

اترعش ... و انزف .... و ادور

و اتملى بهوا البحور

يا سلاااااااااااام

لو يتوه منى مكانى

كل ما اخرج منه للتانى

يتوه الاولانى ...!!!

نص نايم ..... نص صاحى

امشى فى اطراف الضواحى

من ورا نخل الكفور

لا صباع شافنى و شاور

ولا ناس .... بيا .... تشور

وحدى .... ما يخبر عليا

غير غبار الخطوة

غير صوت العبور

زى ماف ريح الدروب...

ريحة الكافور

هربانه من شجر الكافور .... !!!!!

يا سلااااااااااااااااام

لو يتوه منى مكانى

كل ما اخرج من مكان

ما ارجعش تانى ........

عبد الرحمن الابنودى

(1967)

BLUE-MOON · 2008-11-22, 03:15 PM

أمــشــيــر

مهاجر مهاجر

تملى مهاجر

غضوب النفس و العيون و الحناجر

و لا يقول يا ساتر

ولا يخللى ساتر

يقفل و يفتح بيبان البنادر

يعرى البنات فى الميدان ....بالنهار

يطل فى طاقات الجميع .....

يسب الجميع .. كله .. مؤمن و كافر

يحوم تذاكر المسافر

يقلع خيام العساكر

يقول كلمته ف كل شبر

لا هو متكتكاتى و ماكر

و لا هو بيقرا و شاطر

لا هو ... و لا هو ....

و لا مين الهه.

و عمره ما بيجى فى ايده كتاب

و عمره ما بييجى فى وشه ملامح

نجس ولا طاهر

لفين ولا من فين مهاجر ؟؟؟

كانه اتولد جوه قلب التراب .

حبيبتى افتكرتك النسايم

ليالى الربيع الشهيده

هناك ... فى اللى فات ف اللى جاى

فى الليالى البعيده .

ايديا فى اديكى كمفتاح خشب

فى قفل خشب ... على البيبان خشب

فى دار ريفى ..زز فين ؟

فى الليالى البعيده .

ماهوش فى القمر ... ربما تحت ضيه

ما هوش فى الكفور اللى شيطها شظو القنابل .

لكن ربما ع البحور ....... فى البحور

ف الكفور اللى لسه بتطلع فى قلب النيران

خضرا اخضر من الضحكه و من الكافور .

و ما اعرفش فين كنا ... رجلينا

مشيوا و حفيوا

و كفينا دفيو .

بادور عليهم فى التراب ..

فى العما

و امشير ما باين التراب و السما .

و متنتورين فى الزمن محلولين

ضفاير صبيه غريقه

دموع المسيح تحت تقل الخشب ...

و محاوطه عذاب العيون .... و شماته العيون .

ضحكنا .. ضحكنا ... و ما اعرفش يمكن بكينا

لكين كنا غيرنا

و غير دى عينينا .

و ما كناش بننشف كدا فى العرا

و السموم ... و الاذيه .

ما كانش طروف يابسه يم السما

بترفعهم الشجرة المتصابيه:

بعاد .. مطوحيين ... عريانين

لواهم .... هوه مهاجر...

يشيل التراب

من بلد ....... لبلد

عبد الرحمن الابنودى
( ديسمبر 1968 )

BLUE-MOON · 2008-11-22, 03:17 PM

ارجو لكم الاستمتاع

ahmed jongar · 2008-11-22, 03:42 PM

بلو مون
بجد مش عارف اشكرك ازاي
لما اضفيته علي الموضوع
من بريق ولمعان باضافاتك الرائعه
وبالفعل الرائع والمتميز دائما رائع وميميز
الكاتب الاصلي متميز ومن نقلها لنا مميز
شكرا لك
بلو مون
واتمني الافاده للجميع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)